وجهه المستشار مرتضى منصور رئيس نادي الزمالك رسالة إلي الكابتن محمود الخطيب رئيس مجلس إدارة النادي الأهلي ، خلال مداخلة هاتفية على قناة نادي الزمالك .
و قال مرتضى منصور :” انا كل يوم هسألك سؤال يا خطيب ، حضرتك قبل الكورونا بـ 6 اشهر حصلت على إذن من الدولة انك رايح تعمل عمرة، وسافرت في خيمة تركي آل شيخ وروحت في القعدة قدمتله 20 مشروع علشان يعملة للاهلي”
وقال ” مرتضى” :” الراجل تركي أل الشيخ خد منهم 13 مشروع منهم تطوير ملعب التنس وقناة الاهلي، وحصلت على ساعة ألماظ 2 مليون دولار غير التانية.. وبعدها طيارة خاصة خدتك روحت زورت قبر الرسول وخت اللى فيه النصيب ورجعت مصر”
و اضاف مرتضى في تصريحات تليفزيونية لقناة الزمالك:” سيبك من البلاغات اطلع و رد وقول للناس، و بعدين تطلع تشتمنا احنا انت كده بتهرج، وانت طلبت من تركي آل شيخ انه يدفع الشرط الجزائي لعبد الله السعيد وهي 2مليون دولار”
وتابع:” انت حصلت على 5 مليون جنية قدام مندوب السفارة المصرية في السعودية، واحنا مفضوحين وانا غيران على النادي الأهلي، وكمان طلبت دعم زيادة بعتلك مليون جنية زيادة وخالد الدرندلي كان حاضر”
و واصل:” وانت يا سيد يا عبد الحفيظ مختش 200 الف ريال اكتر من مرة والخطيب مرضيش يخليك تشيل شنطة الدولارت علشان خاف تاخد منها حاجة”
وأتم:” انا من حقي اعمل استجواب لوزير الشباب والرياضة ورئيس مجلس الوزراء علشان اسألهم الكلام ده حصل ولا لا.. و في الآخر عيل عندك يطلع يقول عليه قواد”
