شوبير ينفعل على الهواء بعد اتهامات مرتضى منصور .. ويؤكد التزمت الصمت زياده عن اللزوم لكن الأمر تجاوز كل الحدود – فيديو
انفعل الإعلامي أحمد شوبير اثناء تقديمة لبرنامج “ملعب أون” على قناة اون تايم سبورت وذلك بعد الاتهامات التي وجهت له من رئيس نادي الزمالك مرتضي منصور
وقال شوبير أنه إعتاد على إحترام المكان الذي يعمل به دائما، مشيرا إلى أن متمسك بسياسة ضبط النفس في الرد على بعض التهم والتصريحات الموجهة إليه خلال الفترة الماضية.
حيث قال شوبير :” انا الحقيقة ماسك نفسي لابعد الحدود امام كم كبير من الأكاذيب والمهاترات وبراهن على ان الناس تعرف من هو الكاذب ومن وهو المحترم وبالتالي لم ولن أرد لكن ان شخص النهاردة يتكلم على البيوت وعلى زوجة وعلى الابناء وهذا المكان الذي اعمل به له كل الإحترام”
واضاف “شوبير” خلال تقديمة حلقة جديدة من برنامج “ملعب أون” على قناة اون تايم سبورت :” وبالتالي كل الاكاذيب والمهاترات ومش عارف عملات ايه وفيلات ايه كل ده مبردش علشان بحترم المكان اللي شغال فيه، وعلى الأخ اللي بيطلع كل يوم يروج هذه الإشاعات أن يراعي حال البلد خاصة وانه بيقول انه رجل دولة”.
وتابع:” احنا نعرف ان عندنا مفاوضات سد النهضة عندنا وأزمة كورونا والتهديات على الحدود والتحديات الكبيرة امام الدولة، وللاسف مش عارفين ناخد أي إجراء قانوني علشان فيه حماية وحصانة فقولنا نعمل ايه علشان نعرف ناخد حقنا إما بالشكل القانوني او الإعلامي”
وواصل:” اسهل شيء اننا نطلع نتكلم ونثور والناس تزعل مننا او نسكت الناس تقول ده ضعف، واسهل شيء انك تطلع تكلم وتقول وتعمل زى كده واصعب شيء انك تفضل محترم أمام هذا السيل من الاكاذيب والغوض في الاعراض في الجميع دون إستثناء”.
وكان المستشار مرتضىى منصور رئيس نادي الزمالك كشف عن فضيحة خاصة بـ الإعلامي أحمد شوبير “كابتن الأهلي السابق” و ذلك من خلال مادخلة هاتفية على قناة نادي الزمالك .
و قال مرتضى منصور في تصريحاته : بقول لـ أحمد شوببر معقول أنت خدت ٢ مليون دولار و إشتريت فيلا في نيو كايرو ؟!!!! أنا مش مصدق بصراحه .
و تابع : انا اللي واثق منه إنك خدت ٦ مليون جنيه عمولة في صفقة صلاح محسن لما إتنقل من إنبي لـ الأهلي ، و الدليل على كده إن أنت مأكد الكلام ده بنفسك ليا في إتحاد الكره لما قابلتك ، لو كلامي ده كذب أطلع قول .
شاهد :-
