نجح نادى الزمالك فى خطف فوز هام على نظيره إنبي فى المباراة التى جمعت الفريقين على أرضية استاد القاهرة الدولي، ضمن منافسات الجولة الـ23 من عمر بطولة الدوري العام الممتاز لكرة القدم.
وقال حلمى طولان المدير الفنى لإنبي : ” أن المباراة صعبة جداً بلاعب فريق فيه لاعيبة فيرست كلاس، لكن قدرنا لمدة ساعة و ربع بنلعب جيم كويس، الزمالك وصل على استحياء، وهدف الزمالك من خطأ فردي، والمراقبة سئيه”
وأشار: “بشكر فرقتي و لاعبي عملوا جيم كويس، و كتر خيرهم على الجهد اللي عملوه ، و لما اطلع خسران من الزمالك بكورنر ده حاجة كويسة و جيدة ، وعيب أن يتقال عليا اني بفوت المباراة، و معروف عني اني بخلص لفرقتي اللي بدربها ، و السوشيال ميديا بقت سخافة و سيئة في كل شيء”.
وأضاف ” طولان” خلال المؤتمر الصحفى عقب اللقاء : “انا كنت بضغط من قدام بشكل كويس وكان فيه إنضباط تكتيكي ، والزمالك مش واخد على أن فيه حد يبقى ضاغطوه من قدام بالشكل اللي عملناه انهارده”.
وتابع: ” مفيش فريق في العالم أن يفضل ضاغط ومكمل ضغط لمدة ٩٠ دقيقة ، مفيش فريق في العالم بيضغط ٩٠ دقيقة ، وفترة الإعداد بتاعتنا ماكنتش مناسبة و غير كافية”.
