أوضح المستشار مرتضى منصور رئيس نادى الزمالك أن اللجنة الخماسية هى السبب الرئيسي فى هزيمة الزمالك أمام أسوان فى الجولة التى جمعت الفريقين على أرضية استاد القاهرة الدولي.
وقال “مرتضى” :”فى ظاهرة غير طبيعى أسوان بقالة 5 ماتشات مش بيتغلب والطورة مش عاوزة تدخل ومش عارف ايه السبب، وانا لا يعنينى عمرو الجناينى واللى بيقولوا”
وأضاف في تصريحات لقناة الزمالك :” نتيجة ضغط المباريات عندنا إصابات في أهم اللاعبين عبد الشافى وزيزو وساسي، وارحمنا بقى لأن الجمهور مش هيسيبك، اللى انت بتعملة تخريب وتدمير متعمد”
وتابع:” والأهلى خلاص خد الدوري، وانا هدفى البطولة الإفريقية وصلينا ليها سليم، ودى بلد فيها وزير رياضة محترم بقوله أوقف هذه المهزلة احنا هنوصل المغرب على عربية إسعاف”
وواصل:” أسوان غلبنى النهاردة علشان ضغط المباريات، وارحمنى انا وبيراميدز، وبقول للوزير ادخل، والاتحاد المغربي مريح الفرق بتوعة قبل مواجهات إفريقيا، وانا مطحون كل يوم، واللجنة الخماسية دول متأجرين”
وأكمل “مرتضى” :” انا لو قلت دلوقتى انى مش هقدر اكمل علشان عندى مدرب هرب وعندى 11 لاعبي مصاب، واللجنة الخماسية السبب الأول فى هزيمة الزمالك، والسبب التانى هروب المدرب، والسبب الثالث هو التحكيم، وانت يا كابتن معروف من ساعة ما شوبير ما عرفك الدكتور اللى خلاك تاخذ الدكتوراه، وانت عامل شعرك كابوريا انت صغير وانت متعالى قوى”
وأكد رئيس نادى الزمالك أن هدف أسوان فى الزمالك خطأ لصالح محمود الونش مدافع الفريق بعد تخل لاعبي أسوان، قائلا :” انت مش شايف يامعروف وانت مش مأجر شقة مفروش أنت مأجر الفار، ولجنة انضباط ايه اللى بتكلموا عنها، والشكوى بقت عامة من الحكام”
