أكد المستشار مرتضى منصور رئيس نادي الزمالك أن هناك حرب شرسة تمارس على نادي الزمالك خلال الفترة الماضية من خلال بعض الأطراف الخارجية، مشيرًا إلي أنه يتصدى لكافة الهجمات التى تريد النيل من النادي.
وقال “مرتضى” : ” جمهور الزمالك أعظم جمهور، مش واحد صور مع محمد عبداللطيف وهو ع قاعد على الرصيف وأساء للزملكاوية وطلع بعدها يقل ادبه يغلط في اللعيبة ويشتمها هو ده وقته انت قبضت فلوس وانت عيل معفن ومش عاوزك توقف ورايا”.
وأشار:” انا بحارب في اكترمن جبهة ممكن اقولك انا اخدت 11 بطولة وعملت قناة وهبني الاستاد واقول خلاص كفايه لكن لا أنا أسد والأسود مبهربش”.
وأضاف “مرتضى” في تصريحات لبرنامج “زملكاوي” على قناة “الزمالك” : “جالي فيديو ناس بتشتمني بعد ماتش الرجاء في الذهاب طب احنا كسبنا بتشتم ليه علشان انت قبيض بتقبض من قطر والعتال”.
وتابع:” كسبنا الرجاء في المغرب 1/0 وفاضل لنا خطوتين، وناس تقول لا عاوز اقطع رجلك ياابني انا فضلي خطوتين وافرح ملايين زي ما الاهلي فرح جمهوره لا انا عاوز اقبض الصحفات المحترمه كشفتكم”
وواصل رئيس نادي الزمالك : “الكأس لسه له 3 ماتشات لا ازاى توصل النهائي ازاي ومرتضى يكسب الكأس الـ7 لا عباس والعتال كسبوا كأس واحد، عندك ماتش واحد علشان تلعب دوري أبطال أفريقيا الموسم الجاي ماتش واحد هو الاسماعيلي لكن ازاي عايزين يوقعوا القبيضة”
وأكمل:” الحرب اللي عملها الجنايني وربنا انتقم منه وطلع حرامي فاسد، لكن معاكم رئيس نادي أسد كل يوم من ما بين اللف على البلاد علشان الانتخابات ومع ذلك مع الفريق لحظة بلحظة لو جبل كان وقع”
