كشف شريف العريان امين عام اللجنة الاوليمبية عبر قناة ام بي سي مصر أن الإتحادات الرياضية و عددها 42 رياضي بدأت في تطبيق قرار إيقاف مرتضى منصور.
و قال شريف العريان في تصريحاته : الإتحاد الإفريقي لكرة القدم “الكاف” رفض خطاب من نادي الزمالك اليوم بتوقيع مرتضى منصور و تم إبلاغه بأنه موقوف ، وتم ارسال خطاب اخر
بتوقيع النائب أحمد جلال ابراهيم
و تابع : القرار الطبيعي ان وزارة الرياضة تعتمد توقيع احمد جلال ابراهيم والغاء توقيع مرتضى منصور ويسير النائب شئون النادي ومع اول جمعية عمومية يتم الدعوة لانتخابات ع المركز الشاغر و المجلس لا يتبقى له إلا سنة واحدة.
و واصل : أرسلت خطاب لمرتضى منصور بقرارنا وله اسبوع يحق له الطعن ولما يطلع قرار مش عجبه بيلجأ لمركز التسوية ولو مش عجبه يلجأ للمحكمة الرياضية الدولية.
و تابع : حسب اللوايح و هو عارفها دي سلسلة التقاضي ، احنا طلبناه للتحقيق ومجاش يدافع عن نفسه ، ولو مقدمش طعن هيكون بيتنازل عن حقه
و اضاف : اتقال مفيش هيئة تعاقب هيئة رياضية اخرى ده غلط مفيش اتحاد يعاقب نادي لا ده إجراء طبيعي .
و اتم تصريحاته قائلاً : موضوع الحصانة البرلمانية مش موجود في الرياضة لو سيد عبدالحفيظ دخل مجلس النواب هل اتحاد الكرة مايقدرش يعاقبه ، ده كلام مش منطقي و مجلس النواب مش هيزج بنفسه في ده.
