قال الكابتن ربيع ياسين المدير الفني لمنتخب الشباب إنه يعاني مع الأندية في الحصول على اللاعبين، لافتًا إلي أنه فشل في الحصول على 16 لاعب من الأندية، معقبًا:”مش عايز اقول الأندية مبتحبش مصر”.
وقال “ربيع” :”انا بعاني ونص الأندية رافضة تمنحني الاندية وعندي بطولة افريقيا واتواصل مع الاندية يقولي عندي غيابات واصابات لاعب عنده 18 سنة هيقدم ايه لمدرب فريقه اللي بياخد ملايين”.
وأشار :” باقي 20 يوم واسافر تونس علشان بطولة افريقيا و16 لاعب مش موجودين معي وفي تفاوت بدني بينهم ولازم اجهز لعيبتي”
وأضاف في تصريحات عبر القناة المصرية :” مصر فوق الجميع وفوق الأندية والدوري اتحسم متمسك باللاعب ده ده لاعب صغير معنديش مشكلة لو طلبوا اي لاعب هوافق يروح انا محتار جدا ومش مبسوط ومش عارف اجهز لعيبتي”
وتابع :”بالود والاحترام والحب لان ف انديه بتاخد اللاعب تركنه مبيلعبش ابعته لي امرنه لك كويس و اضبطه لك وانيمه بدري عندي بطولة مهمة ولازم اجهز هم بنفسي وبعرف اصنع لاعب انا ببتدي من الصفر احنا راجعين من السعودية فيمارس كنا ف اعلى مستوى اللاعب بيجيلي 4 او5 كيلو دهون هشيلهم له ازاي من فضلكم دي مصر اللي عايشين في خيرها اعطوني اللعيبة علشان نعمل حاجه كويسه في بطولة افريقيا”
وواصل “ياسين”:”الزمالك بعت لي حسام اشرف وأسامة فيصل وياسين مرعي واخدهم وبعتهم مرة اخرى النهارده والأهلي بعتلي لاعب واخده تاني ومرجعش والمصري رفض وانبي رفض يبعتلي لاعب وهو 4 أيام إجازة”
وأكد :”لازم المدربين يعرفوا يشتغلوا بشكل احترافي مع المنتخب احضر اللعيبة ازاي اقسم بالله لوتديني وقت لاصعنلك 50 لاعب يلعبوا دوري ممتاز”
