أيمن يونس يعلن موعد وصول أمير عادل للزمالك… وخطوة واحدة تفصل اللاعب عن الانضمام للفريق
كشف الكابتن أيمن يونس المشرف على لجنة الكرة بنادي الزمالك عن موقف الصفقات الخاصة بالموسم الجديد، مشيرًا إلى أن أمير عادل سيصل للقاهرة غدًا على أن يحسم المدير الفنى للفريق جايمي باتشيكو موقف التعاقد معه.
وقال “أيمن يونس” :” لجنة الكرة من زمان لما النادي يحتاجنا بنوافق ودي المرة الـ4 لتواجدي، ودخلنا في توقيت صعب وعايز اشكر اسماعيل يوسف، وأمير مرتضى وقالولنا لو محتاجين حاجة تحت امركم دول الزملكاويه”
وأشار :”بشكر مجلس الإدارة ولجميع على المنظر الجميل، احنا لجنة كرة والوضع واضح لو المخالفات طلعت غلط المجلس هيرجع لوطلعت صح اتمنى بسرعة جدا تواجد مجلس ادارة للنادي لانه كيان كبير”
وأضاف “يونس” في تصريحات لبرنامج “زملكاوي” على قناة “الزمالك” :” اللي موجود كنز واللي قلبينا تعبوا فيه اوي ودورنا الحفاظ عليه واحنا ولاد الزمالك و ملناش أطماع ودورنا الحفاظ على الزمالك علشان جماهيرنا”.
وتابع :” هبذل أقصى طاقتي بكل حب واحترام الموضوع مرهق بس اتعودنا على كده، وجمهور الزمالك متعود على الصراحة انا معرفش فيه فلوس اد ايه في النادي ولو نقدر نسعد الجماهير”.
وعن موقف الصفقات الجديدة أوضح “يونس” :” كان في كلام على دونجا والأهم هو الحفاظ على القوام وفي صفقات في احتياجاتنا زي حمزة المثلوثي ورجوع فتوح وحميد احداد، وروقا”
وواصل ” باتشيكو هو اللي فكر ناجل للمرحله الجايه وقبل ما انا افكر في الجديد هو الحفاظ على القوام واوفر مستحقاتهم لو عندي فلوس زيادة هضيف مفيش هيحافظ على ولادي”
وعن موقف ضم “أمير عادل” :” أمير عادل جاي بكره وباتشيكو هو اللي يحدد موقفه وملتزمين نوفر له كل حاجه زي ما اسماعيل وامير وفروا ليه”
وأكمل :”حصل تأخير مننا لان كان لازم ندفع لورثة اجوجو والإضافة لمستحقات بوطيب، وقدرنا ندفع من فترة قريبه وانك تنهي كافة الإجراءات من الفيفا بتاخد وقت”
وعن أزمة قيد أحداد قال “يونس” :” عاملين ضغط على الجانب المغربي توصل البطاقات قبل الساعة 12 لانه اتاخر ولو حصل هيتقيدوا من دور المجموعات وهيغبوا عن دور الـ 32 من البطولة”
وواصل : “أنا متعرضش قبل كده على تواجدي في قناة الزمالك وحاجة تشرفني تواجدي فيها، اطمنوا وهبقى صريح في فلوس هنعمل كل حاجه وهنجح ولو مفيش فلوس هفضل في ضهر الزمالك”
