أحمد الشيخ يفجر مفاجأه ويعترف .. كنت أهلاوي وأصبحت زملكاوي يوما ما لهذا السبب … ولكن !!!؟ – فيديو
كشف أحمد الشيخ لاعب نادي بيراميدز أنه كان يشجع النادي الأهلي في فترة طفولته، مشيرًا إلى أنه تحول بعدها لتشجيع الفارس الأبيض وبالتحديد بعد إنتقال الثنائي حسام وإبراهيم حسن.
وقال “الشيخ” :” مش بتكسف من انتمائي للزمالك وأنا حاليا مش زملكاوي لاني بقيت لاعب محترف وانا صغير كنت أهلاوي جدا وعائلتي أهلاويه وخالي زملكاوي”
وأشار :” لما كابتن حسام وإبراهيم راحوا الزمالك حبيت الزمالك جدا وقتها وده محدش كان يعرفه وكان نادي الزمالك وقتها كان في نجوم كبيرة كنت بحبها جدا كابتن حازم إمام وكابتن عبدالحليم علي وبصراحه اتاثرت بيهم جدا وكنت من مشجعي نادي الزمالك”
وأضاف “الشيخ” خلال إستضافته في برنامج “اللعيب” تقديم الإعلامي ” مهيب عبد الهادي” :” أول ما اسمي اتشال من قائمة الأهلي بدأ معظم الوكلاء يكلموني لاني معنديش وكيل وقتها وتواصلوا مع إسلام اخويا واتكلموا على الزمالك وحاجات برا وحاجات جوا ”
وتابع :”كان في وكيل أعرفه شخصيا اتكلم معايا وقالي نادي الزمالك عايزك ومينفعشي تقفل الباب قدامك وفي الأول والآخر أنا عارف أي لاعب يتمنى حاليا يلعب في الزمالك والأهلي وبيراميدز عشان نكون واقعين ومكنتش مصدق وقتها اني ممكن أروح نادي الزمالك بسبب الظروف وقتها”.
وواصل “الشيخ” :” روحت مع الوكيل في نفس اليوم وقابلت كابتن أشرف قاسم وقعدنا واتكلمنا ولما قيمه زي كابتن أشرف يقعد ويتكلم معايا فكان لازم أروح لنادي الزمالك وأنا وقتها كنت مشتت ومش عارف هعمل ايه والوقت ضيق وكنت حاسس إني ممكن اقعد في البيت ومقدرتش اقول لأ ونادي الزمالك نادي كبير واي حد يتمنى يلعب فيه هو والأهلي وبيراميدز حاليا”.
وأكمل :” الحقيقه وافقت لكن قولتله كلمه ان بتوع بيراميدز كان بيني وبينهم اتفاق من اسبوع اني رايح بيراميدز وكنت متفق مع كابتن هاني السعيد وكان في إمضاء بينا كمان لما الأهلي كان موافق”.
وأتم “الشيخ” :” لكن نادي الزمالك لما كلمني في الوقت ده كنت حابب اني اكون متواجد فيه والفترة دي حسيت من كلام كابتن أشرف قاسم اني هفيد الفريق وهيبقى ليا دور الفترة دي ومتكلمتش في أمور ماديه وقولته اللي حضرتك تقوله انا موافق عليه واتفقنا على كل حاجة والموضوع منتهى وعملت الكشف الطبي وكنت مفروض هروح تاني يوم امضي خلاص اخر يوم في القيد وكل حاجة تمام ومعرفشي ايه اللي حصل بعدها “.
شاهد:
