تامر أمين يسخر من أليو بادجي لاعب الأهلي .. معرفشي ده بيلعب ايه وبالهنا والشفا للي خده – فيديو

سخر الأعلامي تامر امين عبر شاشه قناه ” النهار ” من لاعب النادي الأهلي أليو بادجي وذلك بعد الاعلان الرسمي عن اعارته لفريق انقرة التركي لمده 6 شهور بأحقيه الشراء.

وقال تامر امين : الحمدلله اللاعب اللي احنا مش فاهمينه طلع اعارة بالهناء والشفاء عليهم في انقرة انا اصلا معرفشي بيلعب ايه.

شاهد :

وكشف الأعلامي الأهلاوي ” تامر امين ” عبر شاشه قناه النهار في برنامج ” اخر النهار ” مفاجأه كبرى بشأن اصابه جونير اجاي لاعب النادي الأهلي.

وقال تامر امين : جونير اجاي اتصاب بقطع في وتر اكيليس وقالوا انه هيغيب من 6 الي 8 شهور وسافر على بلده في نيجيريا وسبحان الله شهر ورجع مصر وبيتأهل حاليا للعوده للملاعب.

وواصل : الناس هتقولي سحر هقولكم كل شئ وارد وهل الطب في نيجيريا متقدم وبيعالج بالسرعه دي برضوا الله اعلم.

وتابع : قبل كده كان في لاعب في الاهلي اسمه فيلكس اتصاب وقالوا هياخد وقت طويل وسافر غانا ورجع زي الفل وقالوا انه بيتعالج بالاعشاب هناك وطرق مختلفه فموضوع السحر والعلاج بالاعشاب موجود.

واتم : الله يمسيه بالخير دكتور خالد محمود الذي كان يعمل رئيس اللجنه الطبيه في النادي الأهلي كان اللاعب يبقى عنده شد عضلي يغيب شهور فيها.