حازم إمام: يكشف لأول مرة كواليس نهائي القرن في اوضة لبس الزمالك … وموقف خاص لـ شيكابالا بعد اللقاء

كشف حازم إمام نجم نادي الزمالك كواليس لقاء نهائي القرن أمام الأهلي في نهائي دوري أبطال أفريقيا والذي جمع الفريقين على أرضية استاد القاهرة الدولي الشهر الماضي.

وقال ” حازم” :”الزمالك ادى مباراة كبيرة جدًا في نهائي أفريقيا بس محدش هيفتكر الكلام ده هيفتكروا اللي كسب احنا طول البطولة قدمنا أداء جيد وكان نفسنا نحققها والجيل ده حقق أكبر من بطولة”.

وأكد :”محدش فينا قصر وكل ما حدث قبل المباراة أثرت علينا وأخدت من تفكيرنا شويه، وكنا بحفز بعض قبل المباراة وخاصة أن الجيل في عدد كبير لاعيبه صغيره في السن ممكن نبي عليهم وكان في حزن كبير بعد الخسارة وبالذات في أوضة اللبس”.

وأضاف “إمام” خلال استضافته في برنامج ” اللعيب” على شاشة ” mbc” مصر، تقديم ” مهيب عبد الهادي” : “باتشيكو اتكلم معنا بعد اللقاء وقالنا محدش قصر وسلم علينا كلنا وكام لازم نلم نفسنا بسرعه علشان بطولة الكأس”.

وتابع :”شيكا كان اكتر واحد حزين لانها كانت هتفرق معه، خاصة بعد الجون العالمي اللى جابه،والمحترفين معنا كانوا نفس احساسنا لانهم كان نفسهم تحقيق البطولة”.

وواصل :” طبعا كنا زعلانين اكتر علشان الأهلي اخدها مننا أول مرة تحصل في تاريخ أفريقيا أن فريقين من بلد واحده توصل للنهائي”.

وأتم :”انا شايف أن مكنش فيه توفيق والجماهير حزينه لكن عارفين أن محدش قصر، ومحدش هيفتكر الأفضل والزمالك كان فارض سيطرته التوفيق من عند ربنا وغاب عننا”.