ربيع ياسين يوضح حقيقه انسحاب منتخب مصر من مباراه الغد امام ليبيا .. وموقفه في حال الاصرار على لعب المباراه
كشف المدير الفني لمنتخب مصر للشباب ” ربيع ياسين ” ان البعثه يتواجد بها 14 حالة مصابه بكورونا بخلافه بعد ظهور نتائج المسحه الثانيه.؟
وقال ربيع ياسين في مداخله هاتفيه مع الاعلامي ” عمرو اديب ” عبر شاشه قناه ” ام بي سي مصر ” بكره هنعمل مسحة جديدة والمهم عندي حاليا سلامة ولادي اللعيبه ومينفعشي تتواجد كل المنتخبات في فندق اقامه واحد.
وواصل : لازم اخاف عليهم المفروض مباراه بكرة تتأجل بسبب المجهود والشغل , وانا لسه معملتش اي حاجه ولا ا
اديتهم محاضره فنية ولا اتكلمت معاهم ف حاجة والامور انقلبت تماما واللعيبه دخلت العزل.
وتابع : العدل ان المباراه تتأجل علشان نحافظ على ولادنا وبناشد الكاف دول مستقبلنا ولازم نحافظ على ارواحهم ومش مصر بس لا كل المنتخبات لازم نحافظ عليهم.
واضاف ربيع ياسين : الحمدلله انا زي الفل ولو المباراة اتلعبت بكره انا بره الملعب. وهفضل في العزل 14 يوم .
واختتم : ارواح اللاعبين اهم ما في الموضوع دول مستقبل مصر الواعدين واكيد وزير الرياضة خايف على اللاعبين واتحاد كرة القدم المصري ايضا.
وقال عمر ربيع ياسين عبر حسابه الشخصي : اتحاد شمال افريقيا قرر اقامة مباراة منتخب مصر و ليبيا في معادها بكره عادي جدا الساعة ٢.
وتابع عمر ربيع ياسين : المباراه هتقام رغم ان في ١٤ لاعب و مدربهم عنده كورونا و مفيش نقطة دم من الاتحاد الافريقي و لا اتحاد شمال افريقيا انهم حتي يأجلوا الماتش و يطمنوا علي سلامة الولاد كل اللي هامهم البطولة تتلعب.
اتحاد شمال افريقيا يقرر اقامة مباراة منتخب مصر و ليبيا في معادها بكره عادي جدا الساعة ٢ و فيه ١٤ لاعب و مدربهم عنده كورونا و مفيش نقطة دم من الاتحاد الافريقي و لا اتحاد شمال افريقيا انهم حتي يأجلوا الماتش و يطمنوا علي سلامة الولاد كل اللي هامهم البطولة تتلعب
— Omar Rabie Yassin – عمر ربيع ياسين (@omarrabieyassin) December 14, 2020
