وجه الإعلامي عمرو أديب رسالة هامة إلي جماهير الزمالك بعد الأحداث الأخيرة التى تحيط بالفارس الأبيض، مؤكدًا أن هذا التوقيت يتطلب على الجمهور التكاتف خلف النادي.
وقال “عمرو” :” بوجه نداء لجمهور الزمالك الحقيقي، وانا عارف الكلمة اللى بقولها، ده الوقت اللى نوقف فيه وراء النادي، النادي محتاج أن الجمهور بتاعة يوقف وراه”
وأشار:” يجب أن نفهم أن هناك فرق بين الرياضة وأخذ الحق بالدراع، وأنا اقصد الهاشتاجات اللى خرجت النهاردة من بعض الجمهور، وفيه فرق انك بتساند فريق وتشجعة، وفرق انى باخد حقي بدراعي”
وأضاف “أديب” خلال تقديمة حلقة جديدة من برنامج “الحكاية”:” حقك بدراعك ده مش رياضة، الرياضة منافسة شريف، وتربية وأخلاق والنادي مش هيجيله موارد مالية بالبلطجة”
وتابع :” اى حد هيفكر انه يثير البلطجة، عليه أن يدرك أن فيه حاجة اسمها قانون وبلد، لكن فكرة البلطجة وكده المدرسة دى انتهت، والنادي مش هيتاخد رهينة”
وأتم:” النادي كبير ومحترم، وفي أزمة ويجب أن يعبر، بها وبحمل المسؤولية دى للدولة والجمهور”
شاهد:
