كهربا جمهور الزمالك شتمني كتير .. وكان معمولي عمل هناك وبالدليل اللي حصل ده – فيديو
كشف محمود عبدالمنعم كهربا لاعب نادي الزمالك الهارب الي نادي الأهلي في تصريحات مع الاعلامي سيف زاهر عبر برنامج ” ملعب أون ” المذاع عبر شاشه قناه اون تايم سبورتس كواليس ازمته في نادي الزمالك.
وقال كهربا : إنه كانت لديه مشكلات كثير للغاية مع رئيس الزمالك ” مرتضى منصور ” و مشكلتي كلها كانت معاه هو إن يبقى واقف واللاعيبة كلها مع بعض والكاميرات موجودة ويتكلم عليا في أي حاجة، يعني لازم اسمي يكرره في أي حاجة، مع إن لما كنت أدخله لوحدي كان يعملي اللي نفسي فيه.
وتابع “كهربا” أنه بالفعل كان ينادي على مرتضى منصور بـ يا بابا , مضيفًا أن علاقته به كانت جيدة : كان بيساعدنا، في ماتشات كثير نكسب تاني يوم المفروض المكافأة فهو يجي فبدل مثلًا ما بناخد اثنين أقوله عشان خطري خليها عشرة، قدام اللاعيبة كلها، تمام، خلاص عشرة، وخصوصًا السنة اللي فاتت.
وأضاف أن سبب توتر العلاقة بينه وبين مرتضى منصور اللي حواليه كان بيسخنوه عليا، وأنا مكنتش بستحمل، مينفعش حد مثلًا يقولي أنت مش كويس ولا أنت كذا، عمري ما هقبل على نفسي كدة مهما كان مين.
شاهد :
وأكمل محمود كهربا : فى الزمالك كنت مؤمن بالسحر وبخاف جداً، وكانت بتحصل معايا حاجات غريبة، وكنت حاسس ان حد عاملى عمل وكان فى مواقف كتير مش فاهم فيها نفسى وبستغرب من نفسي.
حصلتلي واقعه لما جيت اتبدلت في مباراه الزمالك وسموحه فضلت اتنطط على الدكه وبعدها دخلت اوضه اللبس خدت ” شاور ” ولبست وطلعت تاني وكنت تمام ولا كأن في حاجة حصلت.
شاهد :
