للمرة الأولى … الشيخ يكشف كواليس وتفاصيل فشل انتقاله للزمالك بعد استغناء الاهلي عنه ويؤكد : لا أعلم ماحدث !! – فيديو
كشف أحمد الشيخ لاعب نادي بيراميدز كواليس فشل إنتقاله إلى نادي الزمالك بعد رحيله عن الأهلي، مشيرًا إلي أن أتم اتفاقه مع مسئولي الزمالك على إتمام الصفقة ثم توقفت الأمور بشكل مفاجئ
وقال ” الشيخ” :” أول ما اسمي اتشال من قائمة الأهلي بدأ معظم الوكلاء يكلموني لاني معنديش وكيل وقتها وتواصلوا مع إسلام اخويا واتكلموا على الزمالك وحاجات برا وحاجات جوا “.
وأشار :”كان في وكيل أعرفه شخصيا اتكلم معايا وقالي نادي الزمالك عايزك ومينفعشي تقفل الباب قدامك وفي الأول والآخر أنا عارف أي لاعب يتمنى حاليا يلعب في الزمالك والأهلي وبيراميدز عشان نكون واقعين ومكنتش مصدق وقتها اني ممكن أروح نادي الزمالك بسبب الظروف وقتها”.
وأضاف “الشيخ” خلال استضافته في برنامج “اللعيب” مع الإعلامي ” مهيب عبد الهادي” :” روحت مع الوكيل في نفس اليوم وقابلت كابتن أشرف قاسم وقعدنا واتكلمنا ولما قيمه زي كابتن أشرف يقعد ويتكلم معايا فكان لازم أروح لنادي الزمالك وأنا وقتها كنت مشتت ومش عارف هعمل ايه والوقت ضيق وكنت حاسس إني ممكن اقعد في البيت ومقدرتش اقول لأ ونادي الزمالك نادي كبير واي حد يتمنى يلعب فيه هو والأهلي وبيراميدز حاليا”.
وتابع :” الحقيقه وافقت لكن قولتله كلمه ان بتوع بيراميدز كان بيني وبينهم اتفاق من اسبوع اني رايح بيراميدز وكنت متفق مع كابتن هاني السعيد وكان في إمضاء بينا كمان لما الأهلي كان موافق”.
وواصل “الشيخ” :” لكن نادي الزمالك لما كلمني في الوقت ده كنت حابب اني اكون متواجد فيه والفترة دي حسيت من كلام كابتن أشرف قاسم اني هفيد الفريق وهيبقى ليا دور الفترة دي ومتكلمتش في أمور ماديه وقولته اللي حضرتك تقوله انا موافق عليه واتفقنا على كل حاجة والموضوع منتهى وعملت الكشف الطبي وكنت مفروض هروح تاني يوم امضي خلاص اخر يوم في القيد وكل حاجة تمام ومعرفشي ايه اللي حصل بعدها “.
وأتم :” فجأه الدنيا وقفت لكن في الآخر كل حاجة مكتوبة وكابتن أيمن يونس كان بيكلمني قبلها والمستشار محمد عطيه اني معاهم خلاص وفجاه كل حاجة وقفت والوكيل هو اللي بلغني برفض الزمالك التعاقد وزعلت جدا ولكن في الاخر الواحد لازم يرضى باللي ربنا كاتبه للواحد”
شاهد:
