كشف مهند عون وكيل اعمال النجم التونسي فرجاني ساسي لاعب وسط نادي الزمالك تفاصيل مفاوضات تجديد عقد اللاعب مع إدارة نادي الزمالك الجديدة.
وقال “مهند عون” : فرجاني حزين بسبب ضياع فاينل دوري أبطال افريقيا وكان نفسه يتوج بالبطولة دي مع الزمالك
وأكد : “فرجاني بيلعب في نادي كبير في افريقيا والعالم العربي و الجمهور بيحبه هنا وهو بيحبهم وهو أعلن انه مستمر مع نادي الزمالك”
وأضاف “عون” خلال مداخلته مع قناة “الزمالك” : فرجاني مرتاح نفسيا ومعنويا في الزمالك وفي مصر والامور كويسه وسمعت كلام كتير في السوشيال ميديا انه رفض يجدد والكلام ده مش صحيح ومفيش مشاكل مع الاداره الجديده”.
وتابع :” فرجاني ساسي مقعدشي لسه مع الاداره الجديده والاخبار اللي بتخرج بتعمل قلق عند الجمهور ، انا قعدت مع المستشار محمد عطيه وكابتن ايمن يونس والناس مرحبه بتجديد عقد فرجاني ساسي”.
وواصل :”الاداره الحاليه كانت مشغوله بشأن القيد ولانه هيغلق واتفقنا علي عقد جلسه بعد أسبوعين بإذن الله لتجديد ومضي العقود”.
وأتم :”ساسي حزين جدا جدا على بطولة افريقيا وان شاء الله ربنا يعوض وهو مكمل وحابب ده وبطمن الجمهور، لاتسمعوا لكلام احد وبعد اسبوعين ساسي هيخرج ويبشركم بالتجديد”.
