أكد أحمد مجدى لاعب الزمالك السابق، أنه غير ندمان على قرار رحيله عن الأهلي فى بداية مسيرته الكروية، مشيرًا إلى أن خروجه كان بهدف البحث عن فرصة للعب.
وقال “مجدي” :” كان لازم أمشى من الأهلي فى الفترة دى، مكنش ليا فرصة فى النادي وكنت خايف إنى أطلع إعارات”.
وأضاف ردًا على سؤال ” شوبير” خلال استضافته في برنامج ” ملعب أون” على قناة ” أون تايم سبورت” :” كنت متخوف من خروجي للإعارة ولما جالى الإحتراف كنت شايف أن ده احسن قرار أخدته ” فى إجابة مثلت إحراج لشوبير على الهواء.
وتابع:” شيكابالا من أكتر الاسباب اللى خلتنى أروح الزمالك، لأنه اتكلم عني بشكل كويس جدًا، وشيكابالا شخص جدع جدًا وخدوم”
وأكد ” مجدي” :” اتظلمت فى الزمالك بسبب الظروف اللى كنا فيها وكان الوضع الإداري في النادي صعب جدًا، ولو كنت موجود فى الزمالك حاليا كنت هكون ماشي كويس بسبب الاستقرار الإداري”.
وواصل:” شيكابالا أفضل لاعبي في جيل 86 و في جيل 85 عبد الله السعيد، وشيكابالا من أفضل اللاعبين اللى لعبت جنبهم فى مسيرتي”
شاهد:
