بعد ان تجاهل مصافحه لاعبي الأهلي .. احمد شوبير يهاجم رمضان صبحي ” ركز في طموحك ” – فيديو

هاجم الإعلامى أحمد شوبير، رمضان صبحى لاعب بيراميدز بعد تجاهله مصافحة لاعبي النادي الأهلي في المباراه التي انتهت بالتعادل السلبي بينهم في الجوله العاشرة من الدوري المصري.

وقال شوبير عبر برنامجه الاذاعي ” اون سبورت اف ام ” اطالب رمضان صبحي بعدم زيادة المسافة بينه وبين زملائه فى الأهلى لانه لسه في بدايه مشواره.

وواصل شوبير: “كنت مبسوط بروح أحمد فتحى وتصرفاته فى مباراة الأهلى وبيراميدز، سلم على اللاعيبة وراح أوضة اللبس بعد المباراة وطبيب الأهلى كشف عليه وشاف إصابته.

واضاف : لكن رمضان صبحى ظهر شادد نفسه بشكل غير عادى، يا ابنى أنت اخترت سكتك مشدود ليه، مش قولت رايح بيراميدز علشان الطموح ومش بهزر بتكلم بجد، جاهد بقى عشان تحقيق طموحك.

وتابع شوبير : أنت ماضى 5 سنين هتقضيهم فى شد عصبى كلهم ممكن طموحك ميتحققش أول موسم ولا ثانى موسم، ممكن يكون فى ثالث موسم أو الرابع.

شاهد | رمضان صبحي يتجاهل مصافحة لاعبي الاهلي قبل انطلاق مواجهة بيراميدز – فيديو

وأتم شوبير: لو روحت سلمت على زمايلك فى الأهلى كانت الدنيا هتفك يا رمضان وكلكم زمايل وهتتقابلوا فى المنتخب متوسعش المسافة يا حبيبى الدنيا سهلة ، ومحدش يقولى رمضان صغير لأ رمضان كبر بما فيه الكفاية.

شاهد :

https://www.youtube.com/watch?v=jqvc8rZIy04