رد ناري من خالد الغندور: “مش انا اللى بعمل واحدة ست عشان اجيب مشاهدات” – فيديو
أكد الإعلامي خالد الغندور مقدم برنامج ” زملكاوي” على قناة ” الزمالك” أنه لن يرد على الأشخاص الذي يوجهون له الإنتقادات عبر برامجهم على “اليوتيوب”، مشيرًا إلى أنه يحرص على تقديم المعلومة الصحيحة للجمهور.
وقال ” الغندور” :” الواحد بما بيشتغل بما يرضى ربنا وليه مصادرة، لكن فيه ناس مركزة مع خالد الغندور وفيه فيديوهات كتير على اليوتيوب متصدر العنوان بتاعها خالد الغندور”
وأشار :” نس بتكتب أسمى وناس تانية بتقل أدبها لكن فى النهاية بياكلوا عيش، على حساب النجوم والمشاهير لكن الناس الى ملهاش اى قيمة هيعشوا على انهم يجيبوا سيرة غيره يعتمدوا على اللسان القذر”
وأضاف” الغندور” عبر قناته على موقع اليوتيوب :” دول ناس ممكن تبيع نفسها بساندوتش ودول اسمهم هشك عليه وممنوعين يطلعوا على القنوات والغريبة انهم دائما بيستشهدوا بآيات القرآن والأحاديث النبوية”
وتابع :” احنا عارفين الناس دى كويس وعارفين مين بياخد فلوس على حساب الناس وياكلوا على حسابهم وهيجي وقت والناس دى هتتعرى لانهم متخبيين وراء ورق شفاف”
وواصل:” أنا صابر على كم الشتيمة اللى بتعرض ليها، وأنا بالتأكيد لن أستطيع أن أذكر أسمائهم لأن ده هيقلل منى، واكيد هما منتظرين منى اقول اسمهم علشان يفرحوا”
وأكمل ” الغندور” :” مجرد الحديث عن هؤلاء يقلل أي حد لكن الحديث عنى يكبر منهم ويزود المشاهدات عندهم، وانا امبارح غلط فى رثاء الدكتورة عبلة الكحلاوي لكن الناس ماصدقت تقول كده”
واستطرد ” الغندور” ربنا منعنا اننا نستر على الناس وأنا اخلاقى لا تسمح إنى افضح حد، ومش انا اللى هعمل واحدة ست علشان أجيب مشاهدات”
شاهد:
