اعلن كريم بامبو لاعب الزمالك المعار للبنك الاهلي ان قرار رحيله عن النادي بمثابة تحدي له من اجل اثبات نفسه وسيقاتل للظهور بشكل جيد من خلال تسجيل الاهداف والتسبب في فوز فريقه بالمباريات
حيث قال بامبو عبر برنامج ملعب اون تايم :الحمدلله راضي عن اعارتي للبنك الاهلي وان شاء الله ربنا يكرم ، وكان جالي اكتر من عرض وقبل الموافقة بستشير وكيلي و اهلي وبصلي استخارة ، وكلمني كابتن محمد يوسف واتدربت معه قبل كده وان شاء الله يقدر يرجعني
وتابع : هو تحدي بيني وبين نفسي اعمل اللي عليه وارجع مستوايا بحيث لما ارجع الزمالك اكون واقف على رجلي واتشرفت باللعب للزمالك واسماعيلى واهلي عمري ماعملت مشكلة لاي جمهور من التلاته واتمنى تكمل
وواصل : حسب الظروف انا هعمل اللي عليه وقدامي تحدي 6 شهور ومينفعش افكر من دلوقتي ف الخطوة الجايه ، والاسماعيلي اضاف لي كتير ورجعني بعد الاصابة وكان نفسي اجدد في الاسماعيلي لكن حصلت مشاكل كتير وخوفت تتكرر في ال3 سنين ومكنش ينفع اقعد وحاجات مالية ومعنوية واستنيت شهر علشان اجدد وكنت مستني وعود
واضاف : ملعبتش في الزمالك وكل المدربين كويسين كلهم بيقولوا بتدرب كويس ولكن اللي بيلعبوا في مكانك كويسين ومينفعش يتغيروا،امير مرتضى هو اللي تعاقد معي ولعبت شويه مع طارق يحيى ولو كان استمر كنت هلعب معه
واستطرد : ميتشو لعبت ماتش كويس خرحني وملعبتش تاتي وتالقت في الوديات، وكارتيرون قالي ازاي مش بتلعب ولعبت معه مباراتين وبعدين استبعدني تماما ولعبت باتشيكو جه ف اوقات صعبه مكنش ينفع يجرب وبداية الموسم لقيت نفسي بعيد وكلمته ان امشي وافق
واتم : لاعيبة الزمالك كلها مركزه السنة دي كلهم مركزين انهم ياخدوا الدوزي بيكسبوا الماتش مع انهم مكسبوش وكابتن عبدالحليم علي واشرف قاسم موفرين كل حاجه واقفين جانب اللعيبة وقافلين على الفريق
