اخبار الزمالكميديا الزمالك

مدحت عبدالهادي : لم نتفاوض مع خربين ورحيمي .. واتمني ضم هذا اللاعب للزمالك

كشف مدحت عبد الهادي المدرب المساعد بالجهاز الفني للفريق الاول لكرة القدم بنادي الزمالك عن سعادته بالمستوي الذي يقدمه لاعبي الفريق

وشدد علي ان يتمني تواجد اسامة جلال مدافع انبي في الابيض، مشيرا الي انه يشبه القلعة البيضاء وكان يفكر فيه من سنتين

حيث قال عبدالهادي في تصريحات لبرنامج اللعيب عبر قناة ام بي سي مصر : الحمدلله اللعيبة لمت نفسها وبتأدي المطلوب منها والجهاز الفني بيشتغل في كل الجوانب وفي لاعيبه كانت بعيده الموسم الماضي وقدرنا نرجعهم

وتابع : تعبنا في بطولة افريقيا الموسم اللي فات ولكن ربنا مكتبشي نحققها رغم تفوقنا في النهائي الماضي وان شاء الله نحققها السنة دي ، والاستقرار موجود وشغالين بشكل كويس واللعيبه بتادي بشكل ملتزم

واستكمل :  الناحية الادارية ليست تخصصي انا مسئول عن الفنيات وتم التجديد لرباعي الفريق وسيتم التجديد لكن عقده سينتهي

وواصل : الملتزم في التدريبات هو من سيشارك وساسي كان غايب الفترة الماضية وبيدرب من يومين ولو في حالته الفنية هيكون موجود واللي بيتعب ويشتغل هو اللي هيلعب

واستطرد : مصطفى محمد مشتت بسبب الاحتراف وبيدرب لو انتهى موضوعه وسافر نتمنى له التوفيق اذا كان مع الزمالك او في الاحتراف،وهو مقبل على الاوليمبياد

واضاف : لم نتحدث في التعاقدات ولم يتم عرض اسماء لتعويض مصطفى و موجود حميد احداد ممكن يشارك من بكرة بعد شفاءه، الناس استغربت اننا لعبنا بن شرقي واوباما ومكنوش عارفين من مهاجم ومين صانع العاب، وباتشيكو متتكلمشي معايا في الصفقات الجديدة واتمنى وجود اسامة جلال وفكرنا فيه من سنتين وهو لاعب جيد وصغير في السن هو اضافة كويسه وشبه الزمالك

واستكمل :  ما تم تداوله عن اعارة مصطفى فتحي وبامبو للبنك الاهلي لا أعرف عنه شئ لان مبصدقش السوشيال لان الواقع غير كده والسوشيال ميديا اتكلمت عن عمر خربين وسفيان رحيمي ومفيش كلام من ده اتعرض عليا ممكن الادارة اتكلمت مع باتشيكو

واتم : امام عاشور لعيب مميز وصغير في السن وهو اضافة قوية لينا وللمنتخب في الأولمبياد هتفوق كتير معاه وقولتله طول ما أنت بتركز في الكرة هتبقى لاعب جيد هو لاعب عصبي في الملعب زيي ،واتوقف رغم انه لم يفعل شئ في مباراة المصري قولتله ابعد عن العصبيه وبقى مميز واللي يضيف ليه انه زملكاوي من صغره يبقى اكيد عاوز يعمل حاجه لنفسه وللنادي

تعليقات زوار الموقع

اخبار ذات صلة