كشف الدكتور أشرف صبحي وزير الشباب والرياضة كواليس لقائه بفرجاني ساسي نجم وسط نادي الزمالك، خلال الفترة الماضية، مشيرًا إلي أن اللجنة المعينة لإدارة نادي الزمالك هي من طلب منه ذلك.
وقال ” صبحي” :”انا مش منوط انى اقابل لاعب، بسانا قابلت فرجاني ساسي مرتين، وأثناء فترة المستشار مرتضى قابلت حمدي النقاز وحليت المشكلة اللى كانت متعلقة بموضوع الإقامة”.
وكشف :” اللجنة قالت إن اللاعب – فرجاني ساسي- مش حاسس بالأمان وعايز يمشى، فياريت حضرتك تقعد معاه تطمنه، فقولتلهم أهلا وسهلا”.
وأضاف “صبحي” خلال استضافته في برنامج ” مساء أون” على قناة ” أون تايم سبورت” : “قابلت اللاعب وقولتله نادي الزمالك بخير والدنيا ماشية بخير واحنا مش هنسيب المؤسسة، وأما التفاوض حول تجديد العقد دى براحتك”
وتابع :” احنا لازم نحافظ على صورة النادي، وانا لازم اقف جنب نادي الزمالك جنيه، وبالمناسبة دى انا بشكر النادى الأهلي أن وقفة التفاوض مع أي لاعب في الزمالك خلال الفترة الحالية”
وأتم “صبحي” : نتعامل بكل شفافية مع كافة المؤسسات، واحنا بنخاف على كافة مؤسساتنا الوطنية، وفي الكورة عندنا الزمالك والأهلي هما أكبر ناديين ليهم قاعدة جماهيرية داخل المجتمع المصري”
شاهد:
