احمد عبدالرؤوف ينصح باتشيكو بالاعتماد على هذا الثنائى بدلا من مروان حمدي !!

اكد احمد عبدالرؤوف المدرب المساعد السابق بنادي الزمالك ان اسامة فيصل مهاجم متميز والانسب بالمشاركة حاليا بدلا من مروان حمدي، وكذلك حميد احداد يستحق الفرصة

حيث قال : اسامة فيصل يقدر يكون هو المهاجم الاساسي ولازم ياخد مباريات ف الدوري لاكتساب ثقه اكبر انا دربته وعارف امكانياته ولابد من اختيار التوقيت المناسب للدفع بمروان حتى لايتم حرقه

وواصل : واسامة فيصل شارك في ماتشات كبيرة زي الاهلي وغيره وانا لا اقلل من مروان لكن هو محتاج المشاركة فى وقت مناسب

واضاف : الزمالك كان محتاج تنويع الاداء واللعب على الاطراف وانهاء الهجمات، انت خرج منك مصطفى محمد لاعب متميز مروان حمدي هيبقى صعب يعتمد عليه فى افريقيا لانه محتاج وقت والجماهير مش هتصبر وهتحرقه

واستطرد : يفضل الاعتماد علي حميد احداد واسامة فيصل قريب من مواصفات مصطفى وطريقة اللعب مش هتتغير في يوم وليلة

واتم : انا مش قلقان الزمالك لديه لاعبين خبرات ومميزه ومتماسك دفاعي ولازم نشتغل ع رتم اللعب ويبقى في سرعات اكتر