توقع باسم مرسي مهاجم الزمالك السابق ومصر المقاصة الحالي، أن يتوج الفارس الأبيض ببطولة الدوري العام لهذا العام، مشيرًا إلي أن المدير الفني للفريق بطبعة حريص
وقال ” باسم” :” الأهلي بيكسب على طول في الدقيقة 90 وهى ماشية معاه، لكن لاعبي الزمالك ساعات الرتم بيكون سريع معاهم وده مش مطلوب في كل المباريات”.
وأشار :” فيه لاعيبة في الزمالك بتطلع بعد المواجهات تركز مع الجماهير والسوشيال ميديا والضغط عليهم و بيكونوا عايزين المكسب علشان النقطة دى”
وأضاف “باسم” خلال استضافته في برنامج ” أوضة اللبس” على قناة ” النهار” :” انا بطلت اركز مع السوشيال ميديا لمباريات كتير، وانا كنت متابع في الأول كل حاجة”
وتابع :” دلوقتي انا مركز بس في شغل، وده مفتاح نجاح إن اللاعب يفصل، ولما يشتغل ويتعب ربنا بيكرمة، وانا بقيت اهتم بالتفاصيل الصغيرة قبل المواجهات”
وواصل :” التفاصيل الصغيرة أهم حاجة في الكورة وأنا مركز جدًا في الشغل وبروح الجيم وبنام كويس وباكل كويس، وتلاقي ساعتها إن ربنا يكرمك”
ويتصدر الزمالك جدول الدوري المصري برصيد 29 نقطة بعدما لعب 12 مباراة فاز في 9 لقاءات وتعادل مرتين وخسر مباراة وحيدة أمام غزل المحلة وسجّل لاعبوه 21 هدفًا وتلقت شباكه 6 أهداف وما زال لديه لقاء مؤجل مع غريمه الأهلي.
شاهد:
