تعليق ناري من قناة الزمالك على حديث رحيل عبدالله جمعة : تجديده ليس من الأولويات حاليا
اكد محمد ابوالعلا مقدم برنامج زملكاوي عبر قناة الزمالك ان هناك تعمد استهداف لاعبي الابيض بالشائعات ، مشيرا الي ان عقد عبدالله جمعة ممتد لموسم ونصف الموسم لذلك تجديد عقده ليس من الاولويات حاليا
حيث قال محمد ابوالعلا : من الصبح في كلام عن عبدالله جمعة ووكيل لاعبين حازم فتوح قال مش هيجدد وكل يوم نصحى علي خبر ان لاعب ماشي ولاعب مش هيجدد انا معرفش ليه الكلام ده
وواصل : و كلمت عبدالحليم علي وقالي الكلام ده كله ليه على لعيبة الزمالك؟؟ بتتعرض له ومندهش وان عبدالله كلمه على طول واكد انه ميعرفش حاجه عن ده وانه منتمي للزمالك ومستعد يجدد ومتمسك بالزمالك
وتابع : واكد له ان الجماهير وباتشيكو متمسكين به وهو مخلص وبيادي بشكل جيد وان الادارة في نيتها التجديد له وعبدالله اعلن على الانستجرام انه ميعرفش حاجه عن الكلام ده
واضاف : و عبدالحليم اكد لي الفريق كله مركز وان عندهم هدف عاوزين يوصلوا له وكل شويه يسمع عن عقوبات لبعض لللاعبين وحتى لو في عقوبات مش بنعلن وانهم قافلين على الفرقه تماما
واستطرد : و طبيعي ف مشاكل ولكن المهم ان نحلها ونبعد الفريق عنهم وشوفنا العلاقة بينهم عملوا ازاي وحتى لما مصطفى مشي شيكابالا هناه بهدفه الاول ومصطفى هنا ساسي بهدفه في الاسماعيلي
واتم : الناس بدات تسال عبدالله عقده امتى ينتهي لا لسه فاضله سنة ونص يعني لسه بدري وفي مشاكل كتير اوي قدام اللجنة وكل يوم ملف والفريق ماشي كويس فنيا ومعزول وبيعيش حالة استقرار، لذلك تجديد عبدالله مش من الاولويات حاليا بسبب استمرار عقده سنة ونصف وهم جددوا لاكثر من لاعب ووفروا مستحقات وبيحالوا في كل الملفات
