جنش : رحيل كارتيرون اربك كل حساباتي في المشاركة مع الزمالك.. وباتشيكو اخبرني بذلك الأمر
اكد محمود عبدالرحيم جنش حارس مرمي الزمالك انه حصل علي وعد من كارتيرون المدير الفني السابق بالمشاركة ولكن عقب غلطة او اثنين للحارس الحالي محمد ابوجبل
وشدد علي ان رحيل المدرب اربك حساباته وعرقل عودته لحراسة مرمى الفريق، مضيفًا ان باتشيكو جلس معه عند قدومه واخطره انه يعرفه جيدا
حيث قال محمود جنش عبر برنامج اللعيب مع مهيب عبدالهادي : بعد فترة كورونا رجعت من الاصابة و نزلت التدريبات و كان موجود كارتيرون و انا بحبه و بحترمه و هو كويس جدًا و قعد معايا و عرفني ان كنت اساسي و هو عنده الحراس ماشيه بشكل كويس
وتابع : كارتيرون قالي بعد غلطه و اتنين و تلاته هتجيلك الفرصه و ترجع تلعب بس للأسف مشي و هو مدرب واضح و صريح
وواصل : و لما باتشيكو جه عرف ان راجع من إصابة و قعد معايا و قالي انا عارفك من بدري و انت لسه راجع من إصابة و الناس دي الي بتلعب و حد قاله العب بالمجموعة الموجودة دي
واتم : و جالي عروض من مصر اه ولكن رغبتي الاستمرار مع الزمالك و جددت مع الزمالك سنتين و انا مش بطل بس جددت علي قد امكانيات النادي حاليًا
