حسين ياسر يكشف سبب فشله مع الاهلي وتألقه مع الزمالك ويؤكد : اتمني رؤية الزمالك في كأس العالم للأندية

اكد حسين ياسر المحمدي نجم الزمالك السابق ان طريقة لعب الاهلي لا تساعد لاعب مثله علي النجاح والظهور بشكل جيد علي عكس الزمالك البارز للاعبين

حيث قال : مبروك للاهلي على المركز ال3 واتمنى اشوف الزمالك في كأس العالم للاندية واشوف مواهب كتير مصريه ف الملاعب العالمية ، ولعبت فترة قصيرة في مانشستر سيتي والاصابة حرمتني ، واحترفت ف اماكن كتير وانتقلت من مكان لمكان ولعبت في افريقيا واوروبا واسيا ولعبت في اندية كبيرة لعبت فى مانشستر سيتي واليونايتد والزمالك والاهلي والسد والدحيل

واستطرد : لكن الفترة اللي لعبتها بالزمالك كانت احسن فتره ف حياتي سواء فنيا او في حياتي عموما حب الجمهور والمساندة وصلتني للي وصلتله واللعب في وجود حسام حسن كمدرب ولعبي مع شيكابالا كنا ثنائي ناجح ومن احسن فتراتنا

وواصل : واحرزت 3 اهداف ف الديربي ومنهم اسرع هدف فى الديربي وكنا بوقف فيها دايما، والمجهود والحب اللي شوفته ده انعكس على ادائي

واضاف : لعبت ف الاهلي وانتقلت للزمالك ف لحظة وانا نفس اللاعب لكن في حاجات مهمة ومنها العمل النفسي واستقبال المدرب واللاعبين وبيعطوك راحة وامان وتقدر تلعب وتتالق

واتم : الاهلي طريقة واسلوب اللعب ميبرزش لاعب زي حسين ياسر او اي لاعب مهاري لان اسلوب اللعب وتدويرها بيلعبوا زي ما المدرب عاوز ومقدرش يطلع اللي عند حسين ياسر، لما لعبت مع شيكا كابتن حسام حسن كان عارف مميزاتنا وامكانياتنا وبيطلعها