كشف حسين ياسر المحمدي نجم الزمالك السابق، عن حقيقة إمكانية مساعدته لمصطفى محمد مهاجم الزمالك المعار إلى صفوف نادي جالطة سراي التركي إلى صفوف مانشستر سيتي الإنجليزي.
وكان نادي الزمالك قد أعلن مؤخرًا عن الموافقة على إعارة مصطفى محمد إلى نادي جالطة سراى لمدة عام ونصف على سبيل الإعارة مقابل الحصول على 2 مليون دولار.
وأشار :” بعلاقتي الجيدة ببيب جوارديولا ممكن اتكلم معه وانا ساعدت ناس كتير وساعدت محمد صلاح ووصلته برامي عباس وده دوري ان اساعد اخواتي الصغيرين ومبحبش اتكلم في الإعلام”
وأضاف “المحمدي” في تصريحات لقناة “الزمالك” :” عندنا مواهب كتير ومفيش حاجة مستحيلة ولو مصطفى اشتغل على نفسه ممكن يوصل للسيتي وفي ناس كتير تتمنى الاحتراف”.
وتابع:” كلها خطوات ومراحل مصطفى لاعب جيد وانه ياخد الثقه بتسجيله في أول مباراة له وهو لاعب صغير ولسه هيتعلم كتير واحنا بنمشي خطوة خطوة ومحدش بيطلع السلم مرة واحدة”.
وواصل “المحمدي” :” اتمنى انه يستمر وعاوز اقوله كل مباراة بتختلف ولازم يركز وينسى اللي حواليه ويستمر واتمنى نشوف لعيبة كتير مصريين محترفين”.
وكشف :”انا متكلمتش مع مصطفى وعلاقتي بجوراديولا عن طريق بعض الرسائل وعلاقتي مستمرة معه وعمري ما رشحت له لاعب ف مصر واتمنى اشوف لاعب مميز والكرة مش هتقف احنا هنسعى وبنتعب وممكن مصطفى يوصل لاي فريق ومش شرط السيتي”.
وأكد “المحمدي” :” دي كانت نصيحتي لصلاح ان صعب اللعب لتشيلسي من خلال تجربتي مع السيتي والإصابة ابعدتني وكل دي خبرات انا اخدتها وبقول من خلال الخبرات بقول التجربة لمصطفى انه يلعب ويشارك ويطلع كل اللي عنده ويوصل معهم للعب في أوربا وطالما بيلعب بشكل أساسي اهم لانه بيزيد من خبراته”.
وأستطرد : ” في لعيبة كبيرة بملايبن ومش بيلعبوا وعاوزين يمشوا واللاعب الطموح المهم اللعب مش الماده بس وفي لعيبه بيكون هدفها المادة ومش مهم اللعب”.
وأتم ” المحمدي” :” لازم مصطفى يركز هيعمل ايه والخطوة الجاية تكون لنادي هيلعب فيه ومدرب محتاجه اساسي مش بديل”.
شاهد:
