اكد طارق يحيى نجم الزمالك السابق ان حديث احد الاشخاص عن ان شعبية الاهلي اكثر من الزمالك بنسبة قام بتحديدها كلام غير منطقي في اشارة منه الي شادي محمد
حيث قال : قصة مين اكتر فى الجماهيرية دي وجهات نظر مفيش حاجه اسمها الاكثر شعبية تقدر تقول ام كلثوم الاكثر شعبية عن عبدالحليم ، لا كل واحد وله محبينه ومشجعينه
وواصل : انا معنديش مشكله ان الزمالك الاكثر في الدول العربية والاهلي فى مصر، كل واحد حر يقول اللي عاوزه طالما بتحترم الاخر انت منزلتش اشتغلت ف التعداد السكاني علشان تعرف مين زملكاوي واهلاوي واسماعلاوي واتحاداوي
واضاف : هو بيقول حاحه بيكسب حب وود جمهوره واسقاط علي النادي الاخر ، ولازم انا كنجم اقول كلام بحساب لان اي كلمة بتطلع مني محسوبة عليه وانا فى القناة وممكن اغلط الميكرفون ده صعب اوي
القصة لازم نحترم ببعض ولازم نعرف الغرض من الكلام ايه ولما تعرف الغرض هتهدى اي واحد بيقول كلمة بيكون لركوب التريند وكسب عطف وود جمهوره واسقاط علي الاخر
واتم : ضياء السيد من اعز اصدقائي وبحبه ومحترم وعنده ف البيت 2 زملكاوي وهو اهلاوي مش شرط ابويا يكون اهلاوي اطلع زيه ، وفي ناس شجعت الزمالك علشان شافه بيكسب بايرن ميونخ من40 سنه فحبه وشاف الاهلي بيكسب الريال فحبه
