اكد عصام سالم المتحدث الرسمي بإسم نادي الزمالك ان مصطفي محمد كان يتمسك بالتواجد مع سانت ايتيان الفرنسي ولكن الادارة تمسكت بعرض جالاطا سراي وبالفعل اتضح ان العملاق التركي الانسب للبلدوزر
حيث قال : مصطفى قيمة للكرة المصرية ولازم الناس متاخدهاش من ناحية زمالك واهلي واللي نفع محمد صلاح انه مكنش زمالك واهلي
وتابع : لما ادعمه هكون ف صالح مصر ومصطفى عرف دلوقتي انه الافضل يلعب ف جالاتا سراي لان سانت ايتيان كان متذيل الترتيب وجالاتا سراي متصدر الدوري ووشه كان حلو عليهم
واستطرد : مصطفي محمد اول محترف مصري يجيب 4 اهداف ف اول 4 مباريات وهذا نجاح للاعب
وتطرق :طارق حامد ماركة مسجله وقلب الاسد والونش ايضا وكرة هدف ساسي من مروان جميله ولما ياخد الثقة هيبقى احسن ولازم نصبر وفي عناصر كانت كويسه
واتم : جمهور الزمالك طماع عاوز الاداء والفوز والبطولات لاتاتي الا بالطمع والنتائج والبطولات هيذكرها التاريخ والزمالك ماشي كويس والمحصله العامة الدنيا ماشيه والزمالك يكسب كل المنافسات
وان شاء الله نصعد ومجموعتنا الوحيده الي فيها 3 فرق عربيه وعلشان كده صعبه وكعبنا عالي ع الترجي والمولودية كان عامل لنا حساب
واتوقع تأهل الزمالك والترجي
