حمادة عبداللطيف يطلق قذائفه بعد تعادل الزمالك ودجلة : اللي عاوز يمشي يتفضل !!

انتقد حمادة عبداللطيف نجم الزمالك السابق الازمة المالية ، الذي تحدث عنها البعض واكد عدم خوض اللاعبين مران السبت الماضي قبل الحصول علي مستحقاتهم

حيث قال عبر برنامج زملكاوي : الكرة في ملعب الجميع كمشجع ومدرب ولعيبه وادارة، مفيش حد اكبر من الزمالك، اللاعب اللي عاوز يلعب وبيتشرف كمل اللي عاوز يمشي اتفضل

واشار : ممكن لعيبة لها طلبات ماليه معينه وظروف النادي مسمحتش والمطالب كبيرة اوي واللي يطلب 15 مليون كتير علي الزمالك

واستطرد : انت خسرت 3 بطولات طب اكسب بطولات واطلب، مقدرش اتكلم في الماليات انا رجل كرة مش محاسب

وتابع : دايما تقف مع الزمالك وفي سلبيات انا مش حاسس ان ده الزمالك تخيل 3 ماتشات متهدفش
الزمالك بيتميز بالكرة الهجومية، انت عندك عقم تهديفي

واتم : البدا بالجزيري كان غلط لانه مش هيبدا في مباراة الترجي، انت بتوصل رساله لمروان حمدي واسامه فيصل انكم مش في حساباتي وبتحبطهم
ماتش الترجي ده مهم جدا ودي رسالة اطمئنان اسامة ومروان والجزيري ينزل الشوط الثاني