فاروق جعفر يكشف عن سبب خسارة الزمالك امام الترجي .. ويشيد بهذا الثنائي رغم الهزيمة
اكد فاروق جعفر ضيف الاستوديو التحليلي بقناة الزمالك عبر قناة الزمالك ان الفريق كان لديه ازمة في وسط الملعب امام الترجي ووضح ذلك خلال ال90 دقيقة
حيث قال فاروق جعفر : انت مستغلتش المهارة ،هل اللاعبية اتفرجت علي الماتش اللي فات وشافوا الاخطاء؟الترجي حافظ بيعمل ايه
وواصل : والمشكلة عندنا في نص الملعب طول المباراة نص الملعب مش بتاعك وساسي وبن شرقي مش في حالتهم بسبب الضغط عليهم، معظم اللعيبة مش في مستواهم والونش وعلاء افضل اللعيبة النهارده واعلى 2 كانوا موجودين النهارده
واستطرد : مكنش فى وقت كافي لكارتيرون انه يشوف الترحي ويمرنهم علي طريقة اللعب ولا نقاط القوة والضعف الترجي وصل لمرحلة بيلعب كرة ومركزين
وخسر فريق الزمالك بهدف نظيف أمام الترجي التونسي، في لقاء الجولة الرابعة من دور المجموعات لبطولة دوري أبطال إفريقيا.
سجل حمدو الهوني هدف الترجي التونسي في الدقيقة 72 من عمر المباراة.
