فاروق جعفر يهاجم تغييرات باتشيكو امام الترجى ويؤكد : حدث امر لم اتوقعه !!

اكد فاروق جعفر عضو الاستوديو التحليلي بقناة الزمالك ان تغييرات البرتغالي جايمي باتشيكو المدير الفنى للفريق الأول لكرة القدم بنادي الزمالك امام الترجي خطأ

واضاف انه تفاجئ بقوة فريق الترجى وكورته الجيدة في ارض الملعب

حيث قال فاروق جعفر : مكنتش اتوقع ان الترجي بالقوة دي بيلعبوا كرة سهله وهي دي الكرة مكسب وخسارة واللعيبة تراجع نفسها والتدريب يكون اقوى ، وتركز

واضاف : وطبعا الجماهير هتكون زعلان والادارة واللعيبة، التغييرات غير مناسبة واتفاجئنا بان حميد هيبدأ المباراة ومعملش اي تطور فى الاداء ولا اي حاجه تقول انه محترف غير لاعب الترجي كوليبالي قوي وبيدافع وده محترف

واستطرد : تجيب واحد من 4 ماتشات مبيلعبش وتبدا به انت جبت مروان حمدي ليه مادام مبيلعبش
، التدريب مشاهدة في لعيبة فى التدريب بتكون لعيبة تدريب وغيرها لعيبة ماتشات ومش مقياس انه بيدرب كويس المقياس انه بيلعب هل حميد بيلعب في الدوري ؟  لا انت مش بتلعبه

واتم : الخبرات والتركيز النهارده كانت عند الترجي مش عند الزمالك، الكرة فضلت دقيقة ونص مع الترجي، الهدف الاول والتالت عبارة عن جملة محفوظة