ميدو ينفعل على الهواء بعد هجوم قناه الزمالك عليه.. “عالم جاهلة ومغيبه” – فيديو
هاجم أحمد حسام ميدو نجم الزمالك السابق مسؤولي قناة نادي الزمالك على خلفية الهجوم على لاعبي الفريق الأول والجهاز الفني، أمس الإثنين عقب التعادل مع وادي دجلة في الدوري.
وقال ” ميدو” : “بقول علشان الأغبيه والمغيبين اللى مش فاهمين في قناة الزمالك قناة النادي الرسمية يى الصوت الخاص بمسؤولي النادي فمينفعش الموجودين في القناة يهاجموا اللاعبين والجهاز الفني وده ملوش علاقة بتاريخ الناس اللى موجودة اللى انا بحترمهم”
وأشار :”اكيد مش عايز أهاجم قناة الزمالك بس لما بيكون فيه جهل لازم انورلك دماغك، وبقول للناس فكروا ومتبقاش جاهل مفيش قناة نادي تهاجم اللاعبين المدير الفني عنده ماتش هام بعد اربع ايام وازاى هيلم الفرقة بعد كده”
وأضاف “ميدو” خلال تقديمه حلقة جديدة من برنامج ” أوضة اللبس” على قناة ” النهار” : ” في ناس جاهله معرفشي خدوا شهادات جماعيه ازاي، ومفيش قناة نادي في العالم ولا حتى قناة الاهلي تطلع تهاجم لعيبتها والجهاز الفني بتاعها خصوصا اننا عندنا ماتش كمان كام يوم”
وتابع :” الاهلي خسر من سيمبا وقناه النادي محدش طلع هاجم اللعيبه ولموا الليلة وقالوا هنعوض في اللي جاي، وهاتولي فيديو واحد لقناه نادي في العالم بيهاجموا اللاعبين والنادي بتاعهم”.
وأتم ” ميدو” وهو في حالة إنفعال :” انت مش مشجع انت راجل بتمثل قناة النادي، الكلام ده مكانه للمشجعين مش على الشاشة، وانت مش جمهور أنت عليك مسؤوليات انت بتهد اللاعبين والمدير الفني”
شاهد:
