نجم الاسماعيلي السابق يفتح النار علي البدري : العيب علي مرتزقة اتحاد الكرة .. دا منتخب مصر مش الاهلي – صورة

شن رضا سيكا مدافع الاسماعيلي ومنتخب مصر السابق هجوما علي حسام البدري المدير الفنى للمنتخب الوطني

واشار الي انه يفتعل مؤامرة من اجل ابعاد طارق مصطفي الافضل منه عن الجهاز ويجامل حمدي فتحي لاعب الاهلي علي حساب محمد الننى

حيث كتب عبر حسابه الشخصي فيس بوك : …كابتن حسام البدري
لو هتحط فشلك شماعه بأبعاد طارق مصطفى الافضل منك يبقا العيب مش عليك العيب يبقا علي كل مسؤول كذاب مرتزق داخل وخارج اتحاد الكرة أو اتحاد السبوبة المصري

وواصل : ..كابتن حسام البدري

لو قرارك اتنفذ بأبعاد طارق مصطفى
انا بقولك البقاء لله في الكرة المصرية

واضاف : .. كابتن حسام البدري
هو محمد النني لاعب حارق دمك لدراجادي
انك تجيب لاعب وكابتن نادي الارسنال وتقعده احتياطي وتبدء المباراة بي حمدي فتحي لاعب الأهلي الاحتياطي

واتم : ..كابتن حسام البدري
ده اسمه منتخب مصر الوطني
مش اسمه نادي الاهلي ولا اسمه نادي انبي
ايون اسمه منتخب مصر اللي انتا متعرفوش ولا لبست تشرته عشان تعرف قمتة