كشف محمد أبو العلا مقدم برنامج ” زملكاوي ” حقيقة مشاركة محمد عواد حارس مرمى الفريق في تدريبات فريق الشباب.
وقال ابو العلا، أسامة نبيه وضحلنا بعض الأمور في اتصال هاتفي، وهو أن المستبعدين من مباراة الانتاج الحربي اتعمل ليهم مباراة ودية مع فريق الشباب،وده بيحصل في اي فريق وده افضل من التدريب عشان يتجهزوا للمباريات.
وواصل : اسامه قال فعلا عواد قال انه عاوز يمشي بنهاية الموسم واحنا لم نطلب منه التدريب مع الناشئين كما قال وطلبنا منه يلعب مع فريق الشباب مباراة ودية وده طبيعي وهيكون افيد ليه.
وتابع الجهاز شايف انه افيد للاعب انه يشارك في الوديات وعواد فهم الامور بشكل مش دقيق وكابتن اسامه اكد طلب عواد بالرحيل والبحث عن عروض تناسبه وشايف ان المباراة الوديه ده نظام هيكون ولازم اللاعب يحترمه
ظروف الزمالك الحالية تخلي ان اللعيبة على قلب رجل واحد انك عاوز ترحل دلوقتي لان ده مش وقت الانتقالات وهتكمل الموسم ومحدش هيقعد بالعافيه وتكون عاوز تلعب في الفريق.
وأكد لما مصطفى محمد جاله عرض رحل وده بشكل طبيعي ومش ده التوقيت المناسب، ووقت الخروج الافريقي كان لازم يهدى ويكلم في الغرف المغلقه مش السوشيال ميديا مش ده للوقت يا عواد واطلب الاعتذار ويلم الامر بسرعه
وحقه يزعل ويحافظ على مستواه وامور صحيه ولكن بالطرق المظبوطه وانت رجل محترف من حقك تلعب ولكن من حق الجهاز الفني يحدد الوقت.
انت مضغوط وبتلعب كل 3 ايام ولازم عواد يلم القصة والجهاز الفني يتقبل الاعتذار ومش وقته الكلام مش لعواد بس ده لكل العيبة في ناس بتجدد وناس بتكلم وحد بيعمل بلبله، اختار التوقيت لو انت مش بتلعب هتلعب، ولو انت قدمت طلب للرحيل عمرك ماهتعرف تتنتقل حاليا.
