رد ناري من ميدو علي الحديث عن تفويت مواجهة الترجي ومولودية الجزائر ويوجه رسالة للاعبي الزمالك
رفض احمد حسام ميدو مقدم برنامج اوضة اللبس عبر قناة النهار الحديث عن تفويت مواجهة مولودية الجزائر والترجي القادمة من اجل اخراج الزمالك
حيث طلب ميدو من اللاعبين التركيز علي مواجهة تونجيث ، وترك مباراة الترجى والمولودية كون الحديث عن تفويتها امر غير منطقي
حيث قال ميدو : بطمن جمهور الزمالك مستحيل الترجي يفوت المباراة لمولودية الجزائر، عقلية الترجي مش كده ابدا وانا عارف بقول ايه
وواصل : الترجي هيلعب على المكسب ومفيش حاجة اسمها تفويت، التلميح مجرد تمليح بس على تعادل الفريقين عشان يطلعوا الزمالك برا البطولة غير مقبول ومرفوض
واضاف : بقول للعيبة الزمالك انسوا الترجي هيلعب على المكسب واوعى حد يفكر ان لعيبة الترجي عايزة تطلعكم برا
واتم : انت العب ماتشك واكسب وسيبها على ربك واي حاجة هتحصل هناك هتبقى كورة مش حاجة تانية، وهتبقى خارج من البطولة راسك مرفوعه وتخش المباراة اللي بعديها في الدوري فايق ونفسيتك كويسة
