طارق يحيي يكشف عن رد قوي من اسامة نبيه عند تدخله للعفو عن امام عاشور واحمد عيد

اكد طارق يحيي ضيف برنامج زملكاوي عبر قناة الزمالك انه تدخل في ازمة احمد عيد وامام عاشور مع الجهاز الفني للعفو عنهم ، ولكن كان هناك اصرار لفرض الانضباط

حيث قال : موقف احمد عيد حصل في وجودي ورد الفعل كان من الفريق الاول وعمل فعل في فريق الشباب واسامه نبيه اخد قرار وبلغنا به

وواصل : انا قلبي حنين شويه كلمت اسامه ممكن يلعبوا معنا بكره مع فريق الشباب احمد عيد وامام عاشور وقالي دول موقوفين ومش هيلعبوا ومعاقبين

وواصل : كمل كلامه وقال ولازم اللعيبة تعرف انك مهما وصلت للشهرة متنساش انك كنت ايه،انا عمري مانسيت كنت ايه رغم ان كنت عايش عيشه كويسه ولما انتقلت من الريف للمدينة وبقيت فلان الفلاني عمري ماتغيرت

واضاف : ولازم تبص ان ربنا مديك نعمة كبيرة ومرة قولتلهم لما بتروح مكه الملايين في الحرم شبه بعض لكن بيعرفوك وبيتصوروا معك ودي نعمة من ربنا لازم تحافظ عليها بالالتزام واي لاعب خارج عن النص لازم يتعاقب

واتم : وهم ملتزمين بالعقوبة وامام واحمد عيد كانوا بيشاهدوا معنا مباراة الزمالك والاسماعيلي مواليد99