عمرو الدردير يفتح النار ضد فضيحة اتحاد الكرة واحمد مجاهد في دوري الشباب .. ويتوعد!!

اكد عمرو الدردير المتحدث الرسمي للزمالك ان ماحدث في ازمة دورس الشباب لا يمكن السكوت عليها ولن يمر مرور الكرام

حيث قال :  اتحاد الكرة بيفاجئنا بمواقف غريبه ضد الزمالك بطولة بدأت بنظام تنتهي بنظام تاني انا مشوفتش ده ف الدنيا كلها المفروض البطولة تتلعب بنفس اللائحة واللائحة بتقول بطولة 99 بفارق الاهداف في حالة تساوي النقاط

وواصل :  اللائحة لما تتعطل يبقى في لائحة بديله وابعت للناس ان الجديدة بقت كذا ولازم يبقى فى اخطار وطالما مبعتش لائحة جديدة يبقى هشتغل على القديمة

واشار: هو اصلا بعت لحد ان اللائحة اتعطلت ؟ مبعتش اساسا ومحدش بلغ اي نادي، بدليل الاهلي اعلن اللائحة القديمة على الموقع الرسمي وقالوا علشان ناخد البطولة لازم نفوز فرق 3 اهداف هل هو فهم غلط هو كمان؟؟

واشار : كلام احمد مجاهد معندناش مشكله فيه لكن كان يقولها قبل المباراة ليه بعدها كان قالنا قبل المباراة

واستكمل : الموضوع بسيط لكنها عند اتحاد الكرة معقده اللي بيحكم الجميع لوائح ومينفعش تقولي نسيت ابعتلك اللائحة ولكنها معطله، نتمنى غياب الرؤيه ينتهي

واتم: احنا رافضين اللي حصل ولسه هنعقد وناخد القرار المناسب في الوقت المناسب الموضوع مش هيمر مرور الكرام وهنبعت نستسفر من اتحاد الكرة ليه قرار مباراة فاصله