محمد ابوالعلا يوجه رسالة لجمهور الزمالك عقب الهزيمة من الاهلي .. ويهاجم ثنائي الفريق

طلب محمد ابو العلا مقدم برنامج زملكاوي عبر قناة الزمالك من جمهور الابيض عدم الحزن عقب الهزيمة من الاهلي في الدوري

وانتقد ابو العلا اداء يوسف اوباما ومحمود جنش ، مؤكدا انه مستواهم متراجع بشكل واضح وظهر ذلك خلال المباراة

حيث قال ابوالعلا : بقول لجماهير الزمالك هارد لك ومتزعلوش انت خسرت جوه المباراة وميمنعش ان عندنا معارك كتير خارج الملعب، والفرقه الكبيرة لازم تعترف انك ممكن بتخسر وانك دخلت الجيم متاخر وامام فريق جيد

وواصل : في محطات في مباريات كبيرة بتفرق مينفعش تتعادل وبعدها يدخل فيك هدف بخطأ ساذج، وشيكابالا مش عاوز اقول من كوكب اخر بمحهود فردي اكبر اللاعبين سنا هو تحمل المسئوليه

واشار : لسه عندنا وقت والمنافسه طويله وانت متصدر الجدول لازم تشوف اسباب الخسارة ، الهدف جه بعد تعادلك بدقيقتين وبخطأ ساذج

واستكمل : وجالك ضربة جزاء وكانت هتحول دفة المباراة انت النهارده الشوط الاول لعيبة كتير مش في مستواها ومش عاوز اهاجم لاعبية، بس جنش عنده احسن من كده، اوباما مستواه مش كويس

وواصل : واتفاجئت الشوط الاول ان الزمالك نازل مش عارف عاوز ايه وشوفنا لعيبة الاهلي عندنا مساحات وان لعيبة الزمالك لو عاوز يكسب كان ينزل يضغط، وحسيت انهم اتفاجئوا بفريق الاهلي