هجوم ناري من قناة الزمالك علي فضيحة اتحاد الكرة في دوري الشباب وضغط شوبير!

شن محمد ابو العلا مقدم برنامج زملكاوي عبر قناة الزمالك هجوما علي فضيحة دوري الشباب وتحامل اتحاد الكرة علي الزمالك ، مؤكدا ان هناك ضغط من كوادر اعلامية علي حسب مصالحهم في اشارة منه الي شوبير

حيث قال : النهارده حصل شئ غريب وخلال الفترة الاخيره بيحصل قرارات مثيرة للجدل، وفقا للائحة كنا عارفين ان الزمالك مواليد 99 هو البطل رغم الخسارة من الاهلي لانه بفارق الاهداف

وواصل   فوجئنا بتصريحات وبعض الكوادر الاعلاميه بتكلم حسب المصالح الشخصية، مينفعش فكرة البيانات بس لان في ناس بتجرنا لحالة خارج الملعب وبيجرنا للمحاكم والقضايا

واستطرد : احمد مجاهد قال انه اخد قرار يبقى في مباراة فاصلة طب ازاي مباراة فاصلة وهي لائحة بتقول البطل بفارق الاهداف

واشار : وهو قال الدوري ده كان هيتلغي واحنا لغينا اللائحة ، طب انت استنيت لحد اخر مباراة بين الزمالك والاهلي ، معقوله استنيت لحد بعد المباراة
انت اخدت القرار، محتاج كنادي الزمالك ان يكون عندك اداوت ضغط والزمالك مينفعش يبقى مفعول به ومش محتاج يقول انه نادي كبير ومحدش يستغل اللوائح وفقا لهواه