كشف فاروق جعفر رئيس اللجنة الفنية في نادي الزمالك عن كواليس حديثة مع اللجنة المعينة في النادي من أجل توفير الإمكانيات المادية للاعبي الفريق خلال الفترة المقبلة.
وقال ” فاروق” :” انا رئيس اللجنة الفنية واشتغلنا كلنا من اجل استقرار الفريق وان شاء الله يقدموا مستوى افضل الفترة الجاية
وأشار :” كلمت المستشار عماد وهشام واللواء سامي، وكل همنا استقرار النادي والزمالك كيان كبير وفيه روح معنويه عاليه، واللجنة والمكتب التنفيذي اكتسبوا خبرات وبيشتغلوا بشكل أفضل”.
وأضاف ” جعفر” خلال استضافته في برنامج ” زملكاوي” على قناة ” الزمالك” :” النهارده بعد اجتماعي، معهم معنوياتهم عالية جدا، والفترة الجايه هيكون استقرار اكتر ومعنويات افضل واداء افضل”.
وتساءل ” جعفر” : “هل اللاعب المصري عنده الامكانيه يلعب كل 72 ساعة لا أنا كمدرب بقولك لا، احنا متعودناش على كده كنا بنلعب ماتش في الأسبوع”.
وتابع :”الزمالك لعب امبارح وهيدرب النهارده وبكره وبعدها هيلعب، واللعيبة مش آله والناس لازم تعذرهم واللعيبة تحت ضغط ومش عاوزه تخسر”.
وأكد ” جعفر” :” كل لما يكون في ضغط المباريات تخفض ساعات التدريب، والإرهاق بيحصل لانك في فترة الاعداد كنت بتشتغل على انك هتلعب ماتش كل أسبوع أو كل 5 ايام”
