علق الاعلامي أحمد شوبير، على رد المستشار مرتضى منصور رئيس نادي الزمالك السابق، فيما يتعلق بالمنشات في فرع نادي الزمالك الجديد في مدينة 6 أكتوبر.
وقال شوبير، صعقت إمبارح، أن البعض حاطط صور ان كان في حمام سباحة ومنشات بيتم بناءها في فرع 6 أكتوبر “شاهد بالصور والأدلة.. مرتضى منصور يوضح حجم الانشاءات في فرع 6 أكتوبر”.
وواصل، الكلام ده غير صحيح وأنا بثق في دولتي وكلامها، أنا بثق كمان في عنيا لان في فيديو موجود من يناير 2021، وأرض نادي الزمالك صحراء جرداء، ومفهاش أي حاجة.
وتابع، لكن مش معقول أننا دلوقتي نطلع نضلل الناس ونقول أن كان في إنشاءات بتم، ونضحك عليهم بكلام محصلشي نهائيا.
وأتم، أرض فرع 6 أكتوبر صحراء جرداء، وكل ما ينشر عكس كده هي أشياء مفبركة وغير صحيحة والفيديو الحقيقي موجود هننشره للناس، عشان بس محدش يحمل اللجنة الموجودة دي مسؤولية هما ملهمشي علاقة بيها.
شاهد
وكان المستشار مرتضى منصور رد عبر صفحته بموقع التواصل الاجتماعي ” فيسبوك” “الكداب اللي طالع مع الساقط الحاقد ابو العلا في قناة الزمالك المخطوفة والمسروقة بيدعي ان ارض اكتوبر انسحبت علشان متبناش فيها طوبة طيب ياكداب النادي اخد 18 ترخيص للنادي وللاستاد في آخر 2019 واتفق مع الشركة اللي هتبني وبدأت البناء”.
وتابع: “وابتليت مصر والعالم كله بالكورونا بعد مابدأوا يشتغلوا وهاتشوف دلوقتي انت وابو العلا الحاقد اللي بيكرة نفسة ومتفقين قبل بداية الحلقة انك تسألة السؤال ده علشان يجاوب الاجابه اللي علي هواك وهي الاساءة لمجلس الادارة المنتخب الشرعي”.
وأتم: “اتفرج علي صرح عظيم نادي واستاد وبدء العمل فيهما لكن تم طرد مجلس الادارة المحترم وجبتم مجموعة من المرتزقة احتلت النادي اتفرج علي المشروع العملاق اللي كنا بدأنا فية وهاتشوف في الجزء التاني المباني اللي بدأنا نبنيها علشان الافندي الكداب يبطل بقي تشويه في اللي انشيء قناة الزمالك”.
أقرا التصريحات المستشار مرتضى منصور كاملة وشاهد الصور لفرع 6 أكتوبر من هنا
