بالصور والأدلة.. مرتضى منصور يفتح النار على مسؤول في الزمالك ويفضح اتفاقه مع أبو العلا

فتح مرتضى منصور النار على طارق جبريل المدير المالي لنادي الزمالك الحالي، بعد تصريحاته بأن الدولة سحبت أرض فرع 6 أكتوبر من يد القلعة البيضاء لعدم بدء البناء بها.

ورد مرتضى منصور عبر صفحته بموقع “فيس بوك”: “الكداب اللي طالع مع الساقط الحاقد ابو العلا في قناة الزمالك المخطوفة والمسروقة بيدعي ان ارض اكتوبر انسحبت علشان متبناش فيها طوبة طيب ياكداب النادي اخد 18 ترخيص للنادي وللاستاد في آخر 2019 واتفق مع الشركة اللي هتبني وبدأت البناء”.

وتابع: “وابتليت مصر والعالم كله بالكورونا بعد مابدأوا يشتغلوا وهاتشوف دلوقتي انت وابو العلا الحاقد اللي بيكرة نفسة ومتفقين قبل بداية الحلقة انك تسألة السؤال ده علشان يجاوب الاجابه اللي علي هواك وهي الاساءة لمجلس الادارة المنتخب الشرعي”.

وأتم: “اتفرج علي صرح عظيم نادي واستاد وبدء العمل فيهما لكن تم طرد مجلس الادارة المحترم وجبتم مجموعة من المرتزقة احتلت النادي اتفرج علي المشروع العملاق اللي كنا بدأنا فية وهاتشوف في الجزء التاني المباني اللي بدأنا نبنيها علشان الافندي الكداب يبطل بقي تشويه في اللي انشيء قناة الزمالك”.

وأضاف في منشور أخر: “مهزلة و في خبر متداول انهم سحبوا ارض ٦ اكتوبر هل دا حصل فعلا؟ نت بتسالني انا هو انا موجود في النادي من 8 اشهر سبحان الله هو فيه ايه انا دافع في شهر مايو 2020 القسط الاخير اللي كان مفروض يندفع في مايو 2021 يعني دفعت آخر قسط قبل ميعادةً بسنة كامله وسيادتك جاي تسألني انا ده معقول وحضرتك عاملي علامة استفهام هابعتلك صورة الشيك اللي اندفع بيه القسط الاخير قبل ميعادة بسنة”.

وأتم: “وده شيك القسط قبل الاخير اللي اندفع في ميعادة مايو 2020 بتسألوني انا ليه هو النادي صحيح بيخرب ايوة بيخرب مادام الكل بيتفرج جمهور واعضاء”.