“أسئلتك دمها تقيل”.. شريف إكرامي يجلد شوبير على الهواء ويكشف كواليس خلافة مع المهدي سليمان – فيديو
أفحم شريف إكرامي حارس مرمى نادي بيراميدز، والأهلي السابق، الإعلامي أحمد شوبير، خلال استضافته في برنامج ” ملعب أون” على قناة ” أون تايم سبورت” خلال حديثهما عن كواليس خلاف شريف إكرامي مع المهدي سليمان حارس بيراميدز.
وقال ” شريف” :” مكنش فيه توتر من بداية الموسم، لغاية مباراة الأهلي، اللى المهدى سليمان تم وقفة فيها، ومكنش ليا دخل في الموضوع، واللى تدخل في أمر إيقافه هو الإدارة من الإمارات”.
وأشار :” كلمت المهدي بعد مباراة طلائع الجيش، وقلتله الوضع ده انا محبوش، وانا حاسس بيك، ولازم يكون فيه ذكاء وصبر، وفوجئت بعد كده بالكلام اللى حصل، والكلام ده ضايقني، لأن أثرة على الناس كلها”.
وأضاف ” إكرامي” خلال استضافته في برنامج ” ملعب أون” على قناة ” أون تايم سبورت” :” مكنتش حابب الموضوع يطلع للإعلام، والأمر لغاية دلوقتي مرجعتش بينا، والعلاقة بينا رسمي فقط، و مكنتش حابب الأمور كده، وانا اضايقت انه كده دخل كل الحراس في مشكلته مع الإدارة”.
واستأذن ” شوبير” ” إكرامي” بتوجيه سؤال وصفه ” دمه تقيل” ليعقب” ” إكرامي” قائلا :” اسئلتك دمها تقيل فعلا” وكان السؤال حول سبب مشاركته بشكل دائم في بيراميدز رغم عدم توفيقه؟
ورد ” إكرامي” قائلا :” قرار إشراك أى حارس او لعبه هو قرار مدير فني، ومسألة عدم توفيقي من عدمه مقارنة ظالمة”.
كما وجه إكرامي سؤاله لـ “شوبير”:” هل انت اتفرجت على كل مباريات بيراميدز” متبعًا :” لو انت اتفرجت على كل مباريات بيراميدز اكيد مش هتقول مش موفق، وانا اخطات في اللقطات اللى الإعلام بيركز عليها”.
وتابع ” إكرامي” :” الإعلام بيتعمد أنه يجيب أخطاء قديمة ليا مع كل خطأ علشان ترسيخ صورة ذهنية عند المشاهد اني مخطئ”.
وعن حقيقة اشتراطه اللعب بشكل أساسي في بيراميدز قال ” إكرامي” :” هل فيه حاجة في الكورة اسمها لاعب يشترط انه يلعب أساسي، أكيد دى سذاجة”.
وواصل :” انا كنت جون الأهلي عشر سنين وطلعت إحتراف، فهل انا محتاج علشان ألعب في بيراميدز انى اكتب ده في العقد ، واكيد انا مش صغير للدرجة دى”.
ووجه” إكرامي” حديثة لـ “شوبير” قائلا :” هل ينفع على كابتن شوبير انى يشترط على إدارة قناة أون ان مفيش غيرة يطلع على القنوات، واخيرًا ان المهدي سليمان نفسه طلع واعتذر على التصريحات دى وقال إنه أخطأ فيها”.
شاهد:
شاهد:
