“الزمالك مش بيشحت”.. رد ناري من حسين لبيب على انتقاد فكرة فتح حساب للتبرع – فيديو

رد حسين لبيب رئيس اللجنة المعينة لإدارة نادي الزمالك على الانتقادات الموجهة للجنة بعد فتح حساب لجمع التبرعات من الجماهير، مؤكدًا أن الزمالك هو ملك لكافة جماهيره

وفتح مجلس إدارة نادي الزمالك باب التبرع لأنصار ومُشجعي الفارس الأبيض من أجل تدعيم النادي ومحاولة الخروج من الأزمة المالية الطاحنة التي يعاني منها خلال هذه الفترة.

وقال ” حسين” : ” احنا نملك من الشجاعة إن الأفكار اللى بنقولها يتم عرضها على الجميع، واحنا كلجنة مؤقتة عارفين كل المدخلات الخاصة بالنادي وشغالين على أكثر من محور لتوفير السيولة المادية لدعم موارد الزمالك وعارفين ان عمر اللجنة دى خمس شهور فقط وشغالين على خطط قصيرة المدى “.

وأشار :” كتير من محبى وداعمى الزمالك قالوا احنا عايزين نساعد يكون لينا دور والنهاردة من وجهة نظرنا عندنا موردين أساسيين للأندية اولهم الجمهور، واحنا فقدنا مصدر دخل مهم بمنع دخول الجمهور المدرجات”.

وأضاف ” لبيب” في تصريحات لبرنامج ” ملعب أون” على قناة ” أون تايم سبورت” : “نادي الزمالك مش بيشحت من حد، ده ملك لجماهيره قبل ما يكون ملك الجمعية العمومية، واحنا شوفنا اننا نفتح صندوق لمحبي نادي الزمالك”.

وتابع :” عندنا أفكار تانية هتجيب فلوس للنادي خلال الفترة المقبلة، و قدرنا ندخل 100 مليون جنيه صرفناها في أول 8 أيام في النادي وكل نوادي العالم عملت الفكرة دى قبل كده”.

وواصل ” لبيب” :” فيه أندية مصرية بيكون فيه دعم من محبين في بعض المواقف زى الصفقات أو غيرة، هنقول دخلنا كام والفلوس دى توجه لدعم جميع لاعبي الزمالك في كل الألعاب لان دول الأساس بتاعنا واللى بيعمله الجماهيرية بتاعة النادي”.

وأكمل ” لبيب” :” كان عندنا الجرأة اننا عملناها لأن الظروف اللى جينا فيه كانت صعبة، وسبونا ندير الأمور من وجهة نظرنا ويمكن نكون غلطانين، ومش هنقول على حجم التبرعات اللى جت لينا وهنطلع نقول عليها بعد كده لما يكون فيه بيان تفصيلي”.

وعن مستجقا اللاعبين المتأخرة أوضح :” شغالين على الجزء المتعلق بالمستحقات المتأخرة للاعبين، وفيه اتفاقات معينة مع لاعبي الفرق المختلفة، والفلوس المتأخرة، هيتم تسديها”.

وأتم ” لبيب” :” وعدنا اللاعبين بحاجات كتير منها دفع جزء المتأخرة وده تم بالفعل الإجراءات اللى اتعملت دى رسالة طمأنة لجميع اللاعبين إن الأمور تسير بشكل جيد”.

شاهد: