كشف خالد الغندور مقدم برنامج زملكاوي عبر قناة الزمالك حقيقة الانباء الاخيرة حول دخول لجنة ادارة الزمالك في مفاوضات لضم التوجولي ضم لابا كودجا مهاجم العين
حيث اكد ان كل ما تردد غير صحيح بالمره ، كون اللاعب يتقاضي اجر خرافي مع العين ، وقولا واحدا لن يكون في الزمالك الموسم القادم
واستكمل ان كودجا يتقاضي 4 مليون دولار مع العين ، ولن يستطيع الزمالك او نادي مصري توفير تلك الرواتب ، لذلك الحديث عن وجود حازم فتوح في الامارات لضم اللاعب غير صحيح
كما علق مقدم برنامج زملكاوي عبر قناة الزمالك علي اعلان التونسي الدولي فرجانى ساسي لاعب خط وسط الفريق الرحيل عن الفريق
حيث قال خالد الغندور : لا حديث بين الزملكاويه الا عن فرجاني ساسي بعد نشره لتويته عن انه افتخر باللعب للزمالك وعن اخلاصه للكيان وانه قريب يوضح كل الحقايق ، تويته رائعة ومحترمه
واضاف : كلنا بنتمى له كل توفيق احنا نادي بيحترم الناس اللي تعبوا وجمهور الزمالك عاطفي وهنفضل في قناة نتفكره ونذيع اهدافه، وهيفضل علامة في قلوب الزملكاوية ، الاهم المرحله اللي جايه
واشار : كارتيرون كلمه ورد عليه وقاله مصاب ، ومحتاج 10 ايام ولم يتطرق لاي كلام ، بس الواضح من كلام المحامي وكلام ساسي انه وقع لنادي تاني مفيش شئ مؤكد بس بنستشف الامور
واضاف : هو اخد قراره واختار النادي ، هو اللي بيحز فى نفسه ومقلقه جمهور الزمالك وازاي يخرج محافظ علي علاقته بهم
واتم : احنا عاطفين بس لازم نفكر فى اللي جاي
