كشف سيد عبد الحفيظ مدير الكرة بنادي الأهلي عن موقف إدارة النادي الأحمر من السماح للاعيبيه من الانضمام إلى بعثة المنتخب الأولمبي المقرر ان تشارك في دورة الألعاب الأولمبية قبل خوض الفريق نهائي دوري أبطال أفريقيا.
وقال ” عبد الحفيظ” :” الأهلي مش هسيب لعيبته قبل نهائي افريقيا للمنتخب الأولمبي، ممكن يسافروا بعدها عادي، لكن قبل الموضوع صعب، القرار في الاخر للإدارة”.
وأضاف ” عبد الحفيظ” خلال استضافته” في برنامج “اوضة اللبس” على قناة “النهار” تقديم أحمد حسام “ميدو” :” فكره اننا نكمل الدوري بدون لعيبتنا الأولمبية اظن في اتفاق على كده بيه الإداره واتحاد الكرة المصري ومش هيبقى في مشاكل وفي الاخر القرار للإدارة”.
وتابع :” في حد في مصر أو افريقيا ينكر أن أقوى نهائي على مر التاريخ كان بين الزمالك والأهلي في 2020″.
وواصل “عبد الحفيظ”: “لو جيت تسال اي مشجع اهلاوي تحب النهائي ده يتكرر قدام الزمالك ولا تلاعب فريق تاني، هيقولك بدون تفكير الاعب فريق تاني احسن لان الزمالك اصعب بكتير”
وأكمل :” طيب ايه السبب اللي خلى الزمالك يخرج من افريقيا الموسم ده !..مش هو مباراة الترجي ومولودية الجزائر واللي حصل فيها !”.
وأوضح :” طيب لو رجعنا بالزمن لوراء في شهر اكتوبر 2020 ايه اللي خلا الزمالك اصلا يلعب في افريقيا..مش مباراة الأهلي قدام بيراميدز”.
وكشف : “وقتها الاهلي كان واخد الدوري وفارق 20 نقطة وعنده سيمي فاينل قدام الوداد ومش لازم يكسب بيراميدز يعني ولا يرهق نفسه”.
وتحدث مدير الكرة بنادي الأهلي عن مواجهة بيراميدز وقتها قائلا :” الاهلي لعب مباراة تاريخيه ومخسرشي من بيراميدز وبسبب كده الزمالك لعب افريقيا، حنا اتعودنا كده في النادي الأهلي بننزل نلعب على المكسب ميهمناش الزمالك يتأهل او بيراميدز يتأهل”.
وأستطرد :” واحد هيرد عليا ويقولي ده عشان بيراميدز !
طيب لو رجعنا مع بعض لسنة 2008 الزمالك والاهلي كانوا في مجموعة واحدة”.
وأتم “عبد الحفيظ” :” الاهلي ضمن التأهل ووصلنا اخر جولة الزمالك لازم يكسب ديناموز برا واسيك يخسر من الأهلي يعني أنا لازم اكسب اسيك عشان أهل الزمالك معايا وساعتها حصل ايه ؟.. الاهلي لعب المباراة بكل روح رغم انه متأهل واول ومخسرشي من أسيك والزمالك هو اللي خسر من ديناموز”
