اخبار الاهلي

شريف إكرامي يكشف أسرار نارية عن انتقال رمضان صبحي إلى بيراميدز.. و يفسد محاولات شوبير لتوريطه في القضية – فيديو

سرد شريف إكرامي حارس مرمى نادي بيراميدز والأهلي السابق، التفاصيل الكاملة لقضية رحيل رمضان صبحي من الأهلي لبيراميدز، مؤكدًا أنه لم يكن له أى دور في عملية انتقال رمضان إلى بيراميدز.

وقال ” شريف”: “قرار عدم إكمالي الموسم في الأهلي كان قرار فني من الجهاز الفني، والاتصال اللى بينى وبين الكابتن سيد عبد الحفيظ وقتها مكنش فيه أي سيرة عن رمضان صبحي أو مشى ليه”

ومن جانبه حاول “شوبير” تثبت اتهام مجلس إدارة الأهلي لشريف إكرامي بأنه المتهم برحيل رمضان صبحي عن الأهلي، وهو ما رفضه شريف إكرامي ورد عليه بشكل قوى

وقال ” شريف” :” أنا دلوقتي أهلاوي بلا أى نفع، بمعنى انى مش هستفيد أى حاجة لما أقول إني أهلاوي، واحاول أتسول منصب للأهلي، وحاليا فيه حملات إلكترونية لمحاولة إغتيالي معنويًا وحرب إلكترونية عليا”.

وأضاف ” إكرامي” خلال استضافته في برنامج ” ملعب أون تايم سبورت” : “كان فيه ناس هاجمتني انى قولت انى كنت ضد عودة رمضان صبحي لمصر، بالإضافة إنى كنت عارف ان الاهلى مش فريق مبنى على أسماء بعينها، والناس خدت بس اللى يدعم وجه نظرها فقط”.

وسرد ” شوبير” بعض التصريحات التى قالها في قضية رمضان صبحي وعلاقه شريف إكرامي بقراره، ليرد ” شريف” قائلا :” أنا مذاكر كويس قوى انت قولت ايه في الملف ده”.

وتابع ” إكرامي” :” أسهل اتهام الناس تقوله أن شريف إكرامي هو السبب في رحيله، والاتهام ده سهل وبيريح الناس”.

وأكد :” ايًا كانت الاسباب اللى هقولها الجمهور هيغضب من رمضان ايًا كان الأسباب اللى معاه أو أعذاره، والجمهور ليه كل الحق أنه يغضب ويصب كل غضبه”.

وشدد ” إكرامي” :” فيه جزء من الحقيقة عند رمضان وهو الوحيد اللى يتكلم فيه، وانا اتهاجمت علشان انا قولت مكنتش عارف ان رمضان صبحي رايح بيراميدز
، وانا عرفت من وكيل رمضان، نادر شوقي”

وكشف ” إكرامي” قعدنا بعدها واتكلمنا انا وهو و وكيله وجوز اخته، وانا عمرى ما اطلع واقول انا قولتله ايه او نصحت بإيه، لان ده داخل في نطاق الأسرة، وهل الجمهور كان هيحترمنى لو طلعت وغسلت ايدي من قرارة وسلمته للجمهور وقولت اني نصحته انه ميسبش الأهلي”.

وأكمل ” إكرامي” :” جلسة مفاوضات أمير توفيق مع رمضان لتجديد عقده كانت في البيت عندى، وانا فضلت عدم الجلوس فيها، لعدم فرض قرار عليه، وأنا عمرى ما هفرض قراري على رمضان أنه بوجه بس ليه نصائح، وأنا عمرى ما هطلع واقول انا قولتله ايه بالظبط لان ده في نطاق الأسرة”.

ووجه ” إكرامي” سؤاله لـ ” شوبير” قائلا :” حضرتك اول ما حصل موضوع بيراميدز انت قولت ان انا وابويا ملناش علاقة بموضوع رمضان، وبعدها رجعت انى كنت سبب من الأسباب”

ورد ” شوبير”:” أنا كان قصدى أن الصداقة الكبيرة اللى بين على صقر وبين شريف إكرامي هى السبب في رحيل رمضان صبحي عن الأهلي والانتقال لبيراميدز”.

كما وجه ” إكرامي” حديثة لـ ” شوبير” :” انت كنت بتقول الكلام اللى بينك وبين رمضان وكنت بترد على الكلام ده”

ووجه ” شوبير” سؤالة لـ ” شريف” قائلا شريف إكرامي كان ليه دور بنسبة كام في انتقال رمضان لـ بيراميدز ، ليرد ” إكرامي” بصرامة : بنسبة ” صفر” % متابعًا، لأن كان دوري صفر لما سافر ولما رجع من إنجلترا

وأكد ” إكرامي” :”لما كنت رايح بيراميدز رمضان صبحي مكنش في المعادلة أصلًا، ومزعلتش من كلامه في مؤتمر تقديمه في بيراميدز، وكل واحد حساباته وطموحة مختلفة، فيه واحد يحسب ده بطولات، وفيه واحد طموحة فلوس، وفيه واحد إحتراف”.

واستطرد :” لم أقصد إن إدارة الأهلي كان لديها قصور في ملف رمضان صبحي، وأنا لا أجسد الأهلي في أشخاص، والبعض يتاجر بالانتماء للأهلي رغم مواقفه المخزية مع النادي”.

وأتم ” إكرامي” :” ترشيحي لعضوية مجلس إدار الأهلي اسعدتنى المهم اكون مفيد في المكان، والناس بتتكلم على أنها مكافأة نهاية خدمة وانا مش حابب الوضع ده”.

شاهد:

تعليقات زوار الموقع

اخبار ذات صلة