عضو لجنة الزمالك عن تجديد فرجاني ساسي.. أتمنى أن يترجم حبه للجمهور بهذه الطريقة – فيديو
كشف حسام المندوه عضو اللجنة الجديدة المعينة لإدارة نادي الزمالك عن تفاصيل الموقف الخاص بتجديد عقد فرجاني ساسي نجم وسط الفريق الأول لكرة القدم، والذي ينتهي بنهاية الموسم الجاري.
وقال ” المندوه” : “فيما يخص فرجاني ساسي، فيه مبدأ عندنا من أول يوم اللى هو عايزنى ومتشوق انه يكمل معانا، فاحنا عايزينة ومتشوقين نكمل معاه ومستعدين توفير الموارد المالية علشان نجدد معاه”.
وأشار :” جماهير الزمالك لها فضل كبير في صناعة شعبية فرجاني ساسي، ولما نقعد على طاولة المفاوضات لازم نأخذ فى اعتبارنا الحاجات دى، ومنها أنه بيلعب في نادي كبير وهو الزمالك”
وأضاف ” المندوه” خلال استضافته في برنامج ” جمهور التالتة” على قناة ” أون تايم سبورت” : ” احنا عايزين نشوف هل ده حب حقيقي بين اللاعب والجمهور ولا حب أونطة، و احنا هنقعد مع بعض وانت كفرجاني تقول طلباتك واحنا نقرب المسافات ونترجم الحب ده لأفعال”.
وتابع :” احنا عايزين يكون فيه مصداقية بينا وبين الأطراف الأخرى، وبالفعل تم تسديد جزء كبير من مستحقات فرجاني ساسي المتأخرة “.
وأتم ” المندوه” :” مكنش فيه مجال الفترة اللى فاتت اننا نقعد مع فرجاني علشان عملية التجديد و أول ما يرجع مع من معسكر منتخب تونس هنقعد معاه علشان التجديد”.
شاهد:
